Kannzɛ be seli Zifu’m be kɛ be yaci Ɲanmiɛn i sua’n i kplanlɛ’n sanngɛ Ɲanmiɛn ɲrun jranfuɛ dan Zesua (Zozie) nin nvle siefuɛ Zorobabɛli be fali junman’n i nun ta naan b’a kplan Ɲanmiɛn i sua’n. (Ɛsd 5:1, 2; w22.03 17-18 § 13)

Kɛ Zifu’m be kpɔfuɛ’m be usali be sran ng’ɔ mannin be atin kɛ be di junman’n, Zifu’m be jrannin ndɛ nga Famiɛn Sirisi kannin’n su tɛli be su. (Ɛsd 5:3, 17; w86-F 1/2 29, kuku § 2-3)

Famiɛn’n kannin mmla nga Famiɛn Sirisi dun mmua kpɛli’n i ndɛ flannin nun kpɛkun ɔ seli Zifu’m be kpɔfuɛ’m be kɛ be yaci be ɲrun tanndanlɛ. (Ɛsd 6:7, 8; w22.03 15 § 7)

BU SU AKUNNDAN: ?Sɛ be nga Zoova kpali be kɛ be dun e ɲrun mmua’n be fa ajalɛ wie naan e wunmɛn i wlɛ’n, wafa sɛ yɛ Biblu’n nun ndɛ nga kwla uka e-ɔ?—w22.03 18-19 § 16.