MIAN Ɔ ƝIN NAAN SI JASIN FƐ’N I BO KPA | MAAN E DI AKLUNJƆƐ KPA JASIN FƐ’N I BOLƐ’N NUN
Maan ndɛ nga e kan’n ɔ kan sran’m be awlɛn
Be ɲin m’ɔ yi Ɲanmiɛn’n fin be awlɛn’n nun. (Nya 3:1) Kɛ é klé like’n, ɔ fata kɛ e mian e ɲin naan ndɛ nga e kan’n ɔ kan sran’m be awlɛn. ?Wafa sɛ yɛ e kwla yo sɔ-ɔ?
Nán e kle sran’m be Biblu’n nun ndɛ nanwlɛ’n sa ngbɛn. Sanngɛ e uka be naan be nin Zoova be afiɛn mantan kpa. Asa’n maan e uka be naan be wun i wlɛ kɛ Biblu’n nun ndɛ mma’m be kle kɛ Zoova klo sran, ɔ ti kpa yɛ ɔ yo sa i nuan su sɛsɛɛsɛ. Maan e usɛ i kosan amanniɛn su naan ɔ kan wafa nga i wun yo i’n i ndɛ kle e. Maan e ukɛ i naan ɔ wun i wlɛ i kɛ sɛ ɔ kaci i sa ninnge wie’m be yolɛ nun’n, ɔ́ ɲán su ye kpa. Kɛ é wún kɛ Biblu’n nun like suanfuɛ’n su klo Zoova’n, e kusu é dí aklunjɔɛ kpa.
AN NIAN VIDEO NGA BE FLƐ I KƐ MAAN E SI LIKE KLE KPA NAAN Y’A DI AKLUNJUƐ SRAN’M BE LIKE KLELƐ’N NUN: MAAN NDƐ NGA E KAN’N Ɔ KAN SRAN’M BE AWLƐN. I SIN’N, AN TƐ KOSAN NGA’M BE SU:
-
Neta usali Jadi kɛ: “?Kisie cɛn yalɛ nga e kokoli’n a buli su akunndan?” ?Ngue ti yɛ ɔ usɛli i sɔ-ɔ?
-
?Wafa sɛ yɛ Neta ukali Jadi naan w’a wun i wlɛ kɛ Biblu’n nun mmla’m be kle kɛ Zoova klo i-ɔ?
-
Kɛ é klé sran’m be Biblu’n nun like’n, sɛ ndɛ nga e kan’n ɔ kan be awlɛn’n i sɔ’n yó maan bé fá be wun bé mántan Zoova kpa.
?Wafa sɛ yɛ Neta ukali Jadi naan w’a kle kɛ ɔ klo Ɲanmiɛn-ɔn?
