MAAN AMUN ƝIN TRAN SU!
?Kɛ nvlenvle’m be nunfuɛ’m be yia mɔ be kan ngowa’n i sɔ’n kwla yo maan sran’m be bo yo kun sakpa?—?I su ndɛ benin yɛ Biblu’n kan-ɔn?
Afuɛ 2024 nga nun’n, sran mɔ be fin nvle 206 nun’n b’a yia be su kan ngowa. Yɛ sran ko ju miliaa nnun be nian ninnge nga be yo be’n. Be flɛ bian kun kɛ Toma Baki. Ɔ ti ngowa kanlɛ dan sɔ’n i su nianfuɛ. Ɔ seli kɛ: “Ninnge nga é wá yó be blɛ sɔ’n nun’n ti’n, asiɛ’n sufuɛ’m be bo yó kun. Maan e yia sa nga ti yɛ be kpɛli ngowa kanlɛ dan sɔ’n i ba’n i nuan. Yɛle kɛ kannzɛ sran’m be ti fanunfanun’n, sanngɛ be kwla tran aniaan tranlɛ.”
?Ngowa kanlɛ sɔ’n kwla yo maan sran’m be bo yo kun? ?Sran’m be bo kwla yo kun sakpa?
?Ngowa kanlɛ sɔ’n kwla yo maan sran’m be bo yo kun?
Afuɛ nga nun ngowa kanlɛ dan sɔ’n ti’n, sran’m be kannin sa wie’m be ndɛ. Sa sɔ’m be ti’n, sran’m be bo timan kun. Sa sɔ’m be nun wie yɛle sran wie mɔ be bu be kpa tra wie mun, nin politiki ndɛ mun, nin Ɲanmiɛn sulɛ wafa wie’m be nunfuɛ mɔ be buman be sran’n, ɔ nin sa uflɛ wie mun ekun.
Sran’m be nian ninnge nga be yo be ngowa kanlɛ dan kɛ ngalɛ’n sa be bo be fa yiyi be ɲin su. Sanngɛ sa nga sran’m be yo be blɛ sɔ’n nun’n, ɔ kle kɛ sran’m be bo timan kun kaan sa.
Biblu’n kannin sran’m be ayeliɛ’n i ndɛ. Ɔ kle kɛ be ayeliɛ sɔ’n ti yɛ be bo kwlá yoman kun-ɔn. (2 Timote 3:1-5) Sɛ a klo kɛ á sí ndɛ sɔ’n nun kpa ekun’n, kanngan ndɛ nga nun: “?Biblu’n dun mmua kannin andɛ sran’m be ayeliɛ’n i ndɛ?”
Sran’m bé bó yó kun sakpa
Biblu’n kle e kɛ cɛn wie lele’n, klɔ sran’m be kwlaa bé bó yó kun. E kwla lafi ndɛ sɔ’n su. Ɔ se kɛ “Ɲanmiɛn Sielɛ’n” mɔ yɛle i awa m’ɔ o ɲanmiɛn su lɔ’n, yɛ ɔ́ wá yó maan i sɔ liɛ’n yó ye-ɔ.—Liki 4:43; Matie 6:10
Zezi Klisi m’ɔ ti Ɲanmiɛn Sielɛ’n i su Famiɛn’n wá yó maan sran’m be kwlaa bé dí fɔundi. Ɲanmiɛn Ndɛ’n waan:
“Sran kpa’m bé bó nɲrɛ kɛ waka sa, yɛ fɔundi’n yó dan.”—Jue Mun 72:7.
“Ɔ́ dé yalɛfuɛ m’ɔ kpan kunndɛ ukalɛ’n. . . Ɔ́ dé be be nga be kle be yalɛ’n nin nzaje sa yofuɛ’m be sa nun.”—Jue Mun 72:12, 14.
Like nga Zezi kleli sran mun ti’n, sran kpanngban mɔ be fin nvle 239 nun’n be bo w’a yo kun. Yɛle Zoova i Lalofuɛ mun. Biblu’n nun like mɔ Klisifuɛ sɔ’m be suannin’n ti’n, be nin be wiengu’m be tran klanman. Fluwa Sasafuɛ Tranwlɛ’n kun kɛnnin i sɔ liɛ’n i ndɛ. Ɔ suan “E kwla wla sran kpɔlɛ’n i ase.”
Ninnge wie mɔ be kwla yo ɔ fɛ ekun'n
KOSAN MƆ BIBLU’N TƐ BE SU’N
?Ngue yɛ e kwla fa e wla gua su-ɔ?
Like kpa kun kwla uka e dɔ nga su yɛ ɔ kwla yo maan é láfi su kɛ e ɲrun lɔ’n yó kpa.
NINNGE CINNJIN NGA BIBLU’N KLE BE’N
?Ngue yɛ be flɛ i Ɲanmiɛn Sielɛ’n niɔn?
I nun mɔ Zezi kán Ɲanmiɛn ndɛ’n, ɔ kannin Ɲanmiɛn Sielɛ’n i ndɛ trali like kwlaa. I afuɛ ya kpanngban yɛ, sran’m be srɛ maan Sielɛ’n i blɛ’n ju.
NDƐ WIE MUN EKUN
E kwla lafi su kɛ e ɲrun lɔ’n yó kpa
?Ngue ti yɛ e ɲrun lɔ sa’m be su ndɛ nga Biblu’n kan’n ɔ nin sran’m be liɛ nga be kan’n ɔ timan kun-ɔn?
BIBLU’N NUN NDƐ CINNJIN MUN
?Nin yɛ a kwla wun kosan cinnjin’m be su tɛlɛ mun-ɔn?
?A usa nguan’n annzɛ wie’n annzɛ kusu e ɲrun lɔ sa’m be su kosan? A kwla wun kosan sɔ mun nin uflɛ wie’m be su tɛlɛ’n! ?Sanngɛ nin yɛ a kwla wun be-ɔ?
E SU NDƐ
Se e naan e wa nian ɔ osu
A nin Zoova i Lalofuɛ mun amun koko Biblu’n nun ndɛ kun su yalɛ, annzɛ kunndɛ kɛ á sí be su ndɛ kpa.
