Mɛn wunmuan’n nun’n, kɛ ɔ ko yo naan sran’m b’a ɲan sika b’a nian be wun lika’n, ɔ ti kekle. Yɛ kɛ aliɛ cɛ́n m’ɔ́ sán’n nn ɔ́ yó kekle kɔ́ i ɲrun.

•   Fluwa kun m’ɔ fiteli koko nun wa’n, a i nun’n be seli kɛ “sran’m be akatua nga be man be anglo kwlaa nun’n w’a kpɛ su dan.” Yɛ be kan guali su kɛ sɛ b’a yoman like fi’n, “sikafuɛ’m bé ɲán sika trá laa’n yɛ yalɛfuɛ’m bé dí yalɛ trá laa’n.” Asa’n, “junman difuɛ kaka be nin be awlofuɛ’m be su kwlá ɲanman sika kɛ laa’n sa kun.”

 ?Awa’m be kwla yo naan sika ndɛ’n w’a yoman kekle sran’m be su kun?

 Biblu’n waan awa kun wá yó maan sran’m be su diman yalɛ kun yɛ sran fi su ɲanman sika trɛmɛn i wiengu kun. Biblu’n se kɛ “Ɲanmiɛn m’ɔ o nglo lɔ’n, ɔ́ táka sielɛ kun,” yɛle kɛ awa kun. Awa sɔ’n i ngunmin yɛ ɔ́ wá síe asiɛ wunmuan’n niɔn. (Daniɛli 2:44) Kɛ awa sɔ’n wá síe asiɛ’n, yalɛfuɛ’m bé dí ye. (Jue Mun 9:18) Ɲanmiɛn Sielɛ’n wá yó maan sran’m be kwlaa bé ɲán like nga be miɛn i wun’n yɛ be klun jɔ́. Be kwlaa bé ɲán junman nga be di’n i su ye.—Ezai 65:21, 22.