Afuɛ 2022 nun, Mɛ anglo’n i le 24 su’n, ɲrɛnnɛn sa kun juli Etazinin lɔ nvle nga be flɛ i kɛ Tɛkzasi’n i su lɔ klɔ kaan kun su. Be flɛ klɔ sɔ’n kɛ Yuvalde. Zronali kun seli kɛ cɛn sɔ’n nun’n “yasua kun fali tui kunnin ba kanngan 19, ɔ nin suklu klefuɛ nɲɔn, Rɔbu Elemantari Suklu’n i nun lɔ.”—The New York Times

 Ng’ɔ yo ya’n, yɛle kɛ ɲrɛnnɛn sa kɛ ngalɛ sa’m be ju kpɛ sunman. Etazinin lɔ Zronali kun nun’n, be kɛnnin i kɛ Etazinin lɔ’n, “afuɛ sin’n, sran’m be wun tui tolɛ suklu’m be nun’n, ɔ juli kpɛ 249. Kɛ ɔ fɛ i afuɛ 1970 nun’n, be nin-a wunmɛn i sɔ le.”—USA Today

 ?Ngue ti yɛ ɲrɛnnɛn sa kɛ ngalɛ sa’m be ju-ɔ? ?É yó sɛ naan y’a jran be ɲrun kekle? ?Nzaje sa yolɛ’m bé wíe cɛn kun? Biblu’n tɛ kosan sɔ’m be su.

•   Biblu’n se kɛ e o “mɛn’n i awieliɛ blɛ nun’n,” naan sran’m “be su kloman be wiengu,” yɛ “bé yó wlɛ.” Yɛle kɛ bé yó be wiengu’m be tɛtɛ yɛ bé yó nzaje sa mun. Biblu’n se ekun sran kɛ ngalɛ’n sa’m “bé yó sa tɛ bé kɔ́ be ɲrun titi.” (2 Timote 3:1-5, 13) Sɛ a kunndɛ kɛ á sí nun ekun’n, kanngan ndɛ nga nun: “La Bible a-t-elle prédit la mentalité et la conduite des gens de notre époque?”

 Sran kpanngban be usa be wun kɛ: “?Ngue ti yɛ Ɲanmiɛn yaci ɲrɛnnɛn sa kɛ suklu lɔ sran wun tui tolɛ’n be lɛ mɔ be ju-ɔ? Sɛ a kunndɛ á sí wafa nga Biblu’n tɛ kosan sɔ’n su’n kanngan ndɛ akpasua nga be flɛ i kɛ “Pourquoi les innocents souffrent-ils?” nun.

•   “Ndɛ nga be klɛli be laa’n, be klɛli be naan e si sa. I liɛ’n, [...] fɔnvɔlɛ mɔ Ɲanmiɛn Ndɛ’n fɔnvɔ e’n ti’n, é ɲán like é fá e wla é gúa su.”—Rɔmunfuɛ Mun 15:4.

 Biblu’n nun ndɛ’n kwla uka wɔ naan w’a kwla jran sa tɛtɛ nga be ju mɛn’n nun’n be ɲrun kekle. Sɛ a kunndɛ kɛ á sí nun kpa ekun’n, nian fluwa An Tinnge! nga be flɛ i kɛ: “La violence cessera-t-elle un jour ?” i nun.

 Sɛ a kunndɛ kɛ a si wafa nga siɛ nin niɛn’m be kwla yo naan mɛn’n nun nganniɛn tɛtɛ’m b’a boman be mma’m be wla’n, kanngan ndɛ akpasua “Enfants et actualités troublantes” i nun.

•   “Ɔ́ dé be mianmianlɛ nin yalɛ klelɛ nun, afin sɛ be wu’n ɔ yo i ya.”—Jue Mun 72:14.

•   “Bé fá be tokofi mun bé bé sue, bé fá be cua mun bé bó wlɔsɔ. Nvle kun su fa-man alɛ wlɛ-mɛn i nvle uflɛ sin kun, be su sɔnnzɔn-man alɛ kunlɛ kun.”—Mise 4:3.

 Ɲanmiɛn wá yó like nga klɔ sran’m be kwlá yoman’n. Yɛle kɛ, Famiɛn Diwlɛ ng’ɔ tɛkɛli i ɲanmiɛn su lɔ’n, ɔ́ wá núnnún alɛ kunlɛ ninnge mun nin nzaje sa yolɛ’n. Sɛ a kunndɛ kɛ á sí nun kpa ekun’n, kanngan ndɛ akpasua nga be flɛ i “Ɲanmiɛn i Famiɛn dilɛ blɛ’n nun’n, sran’m ‘bé nyán fɔundi lele’” i nun.