Sran’m be diman be wiengu’m be jɔlɛ kɛ ɔ nin i fata’n sa. Yɛ klunwifuɛ’m be kle sran kpa’m be yalɛ. ?Sanngɛ, i kwlaa sɔ’n ɔ́ wíe cɛn kun?

Jue Mun 37 tɛ kosan sɔ’n su. Kpɛkun, ɔ man e afɔtuɛ wie mun. Nian wafa ng’ɔ tɛ kosan cinnjin nga’m be su’n.

• ?Kɛ sran’m be kle e yalɛ’n, ngue yɛ ɔ fata kɛ e yo-ɔ?—Ndɛ mma 1, 2.

• ?Klunwifuɛ’m be liɛ’n yó sɛ?—Ndɛ mma 10.

• ?Sran kpa’m be liɛ’n yó sɛ?—Ndɛ mma 11, 29.

• ?Ngue yɛ ɔ fata kɛ e yo i dɔ nga su-ɔ?—Ndɛ mma 34.

Jue Mun 37 kle kɛ be nga be ‘fa be wla gua Anannganman su, [mɔ] be fɛ i atin’n su’n,’ be liɛ’n wá yó ye dan. Zoova i Lalofuɛ’m be kwla kle ɔ Biblu’n nun like. I liɛ’n, á sí like ng’ɔ fata kɛ a yo naan cɛn wie lele’n, ɔ bɔbɔ nin ɔ awlofuɛ mun amun liɛ w’a yo ye’n.