Fluwa kun mɔ i nun ndɛ’n kwla yo sran ye kpa’n
Mɛn wunmuan nun’n fluwa nga be kacili i aniɛn kpanngban kpa nun mɔ sran’m be dan lika be le i’n yɛle Biblu’n. Ɔ maan i nun ndɛ’n ukali sran kpanngban kpa. I lɛ nun’n fluwa fi tomɛn i. Maan e fa e ɲin e sie i ndɛ nga’m be su:
BE KACILI BIBLU’N ANIƐN KAKA NUN YƐ SRAN SUNMAN BE LE I
-
Sɛ e fa sran 100, 97 be le Biblu’n.
-
Aniɛn 3.350 BE KWLA ƝƐN I WUNMUAN’N ANNZƐ I BUE ANIƐN SƆ’M BE NUN.
-
5.000.000.000 Biblu’n nga b’a fa man sran mun i nuan yɛle ngalɛ’n.
A KWLA SI NDƐ WIE MUN EKUN
SƐ A KƆ E ADRƐSI JW.ORG SU’N:
-
Á kwlá kánngan Biblu’n nun. (Be kacili i aniɛn ya kpanngban nun.)
-
Á kwlá fá wie síe i ɔ telefɔnun annzɛ ɔ tablɛti su.
-
Á kwlá sí wafa nga Biblu’n tɛ kosan cinnjin wie’m be su’n.
-
Á kwlá kánngan sran wie mɔ Biblu’n ukali be naan b’a kaci be nzuɛn’n, be su ndɛ’m be nun.
-
Ɔ bɔbɔ á kwlá súan Biblu’n nun like. *
BIBLU’N NGA ZOOVA I LALOFUƐ’M BE FA CƐCƐLI SRAN MUN’N
ZOOVA I LALOFUƐ’M BE MIAN BE ƝIN BE KACILI BIBLU’N ANIƐNANIƐN’M BE NUN NAAN SRAN SUNMAN BE ƝƐN I.
Biblu sɔ’m be nun wie mun yɛ:
-
The American Standard Version of 1901
-
The Bible in Living English, Byington
-
The Emphatic Diaglott
-
The King James Version
-
Revised Standard Version
-
Tischendorf’s New Testament
LA BIBLE. TRADUCTION DU MONDE NOUVEAU
-
Aniɛn 180 BE KWLA ƝƐN I WUNMUAN’N ANNZƐ I BUE ANIƐN SƆ’M BE NUN
-
227 MILIƆN KƐ Ɔ FƐ I AFUƐ 1950 NUN’N BIBLU’N NGA BE YILI’N I NUAN YƐLE NGALƐ’N.
^ ndɛ kpɔlɛ 13 Dɔ nga su’n, Angle nin Pɔɔtigɛ aniɛn’n nun yɛ ɔ o-ɔ. Sanngɛ aniɛn wie’m be o siɛn.
