SASAFUƐ TRANWLƐ'N (LIKE SUANLƐ LIƐ’N) Zuie 2019
Afuɛ 2019, Sɛptanblu 2 lele Sɛptanblu 29 nun like nga é súan’n be o fluwa nga nun
Maan e siesie e wun dɔ nga su naan y’a kwla jran yalɛ klelɛ’n i ɲrun kekle
?Ngue yɛ e kwla yo naan y’a yo yakpafuɛ naan y’a kwla jran e kpɔfuɛ’m be ɲrun kekle-ɔ?
Sɛ mɛn siefuɛ’m be tanndan e ɲrun’n, nán e yaci Zoova i sulɛ le
?Sɛ mɛn siefuɛ’m be se e kɛ nán e su Zoova kun’n, ngue yɛ ɔ fata kɛ e yo-ɔ?
‘Amun wɔ, amun yo maan sran’m be kaci min sɔnnzɔnfuɛ’
?Ngue ti yɛ ɔ ti cinnjin kɛ e yo naan sran’m be kaci Zezi i sɔnnzɔnfuɛ-ɔ? ?Ngue yɛ ɔ kwla uka e naan y’a di junman sɔ’n i kpa-ɔ?
Maan ndɛ nga e kan’n ɔ wluwlu be nga be kɔman asɔnun’n be wun
?Wafa sɛ yɛ e kwla uka be nga be kɔman asɔnun’n naan b’a klo Ɲanmiɛn naan b’a kaci Klisi i sɔnnzɔnfuɛ?
SRAN WIE’M BE SU NDƐ
Wafa nga Zoova yrali min su’n ɔ boli min nuan dan
Manflɛdi Tonaki i ngaliɛ difuɛ junman ng’ɔ dili i sran ble mɛn nun’n ti’n, ɔ yili nzuɛn wie’m be nglo. I yɛle kɛ ɔ suannin i awlɛn tralɛ. Kpɛkun w’a yoman aɲinkplifuɛ.
?Zezi fɛli i wun kpɔli min ti wie?
?Sa tɛ mɔ amun yoli be laa ti’n, amun akunndan’n bu amun fɔ? ?Ngue yɛ amun kwla yo naan amun akunndan w’a buman amun fɔ kun-ɔn?
