Ɲanmiɛn i Famiɛn dilɛ’n i su ndɛ nanwlɛ’n
Zezi seli i sɔnnzɔnfuɛ’m be kɛ, kɛ bé srɛ́ Ɲanmiɛn’n, be se kɛ: “E Si m’ɔ o ɲanmiɛn su lɔ’n, maan ɔ dunman’n yo sanwun. Maan ɔ Sielɛ’n i blɛ’n ju. Maan ɔ klun sa’n kpɛn su asiɛ’n su wa kɛ ɲanmiɛn su lɔ’n sa.” (Matie 6:9, 10) ?Ngue yɛle Ɲanmiɛn Sielɛ’n? ?Ɲanmiɛn i Sielɛ blɛ’n nun’n ngue yɛ ɔ́ wá yó-ɔ? ?Ngue ti yɛ ɔ fata kɛ e srɛ naan Ɲanmiɛn Sielɛ’n i blɛ’n ju-ɔ?
Zezi yɛ ɔ ti Ɲanmiɛn i Famiɛn diwlɛ’n i nun famiɛn’n niɔn.
Liki 1:31-33: “Tɔn i dunman Zezi. Ɔ́ yó sran dan, yɛ bé wá flɛ́ i Ɲanmiɛn m’ɔ o Like Kwlaa Ti Su’n i Wa. Ɲanmiɛn Zoova wá fɛ́ i si Davidi i famiɛn bia’n mɛ́n i. Ɔ́ síe Zakɔbu i awlo’n titi. Kpɛkun i Famiɛn dilɛ’n su wieman le.”
Ɲanmiɛn i Famiɛn dilɛ’n yɛ ɔ ti jasin nga Zezi boli’n i ti nin i bo’n niɔn.
Matie 9:35: “Zezi wlanwlan klɔ dandan nin klɔ kanngan’m be kwlaa be su, ɔ kle like be Ɲanmiɛn sulɛ sua’m be nun, ɔ bo Ɲanmiɛn Sielɛ’n i jasin fɛ’n, kpɛkun ɔ yoli maan sran’m be tukpacɛ wafawafa kwlaa, ɔ nin lɛ wafawafa kwlaa ng’ɔ o be wun’n be wieli.”
Zezi kannin sa nga bé wá jú ka naan Ɲanmiɛn i Famiɛn dilɛ blɛ’n w’a ju’n be ndɛ.
Matie 24:7: “Nvle kun wá jáso nvle uflɛ wun. Yɛ famiɛn kun wá jáso famiɛn uflɛ wun. Asa kusu’n, awe’n wá kpɛ́n, yɛ asiɛ’n wá kéje. Kɛ amún tí i kɛ w’a keje lika nga sa nun’n, amún tí i ekun-ɔn, w’a keje lika uflɛ.”
Andɛ’n, Zezi i sɔnnzɔnfuɛ’m be bo Ɲanmiɛn Sielɛ’n i jasin fɛ’n lika kwlaa.
Matie 24:14: “Yɛ bé wá bó Ɲanmiɛn Sielɛ’n i jasin fɛ nga asiɛ wunmuan’n su, naan be ti i nvlenvle’m be kwlaa be nun. I sin yɛ mɛn’n wíe-ɔ.”
Ninnge wie mɔ be kwla yo ɔ fɛ ekun'n
KOSAN MƆ BIBLU’N TƐ BE SU’N
?Ngue yɛle Ɲanmiɛn Sielɛ’n?
Nian like nga ti yɛ Ɲanmiɛn Sielɛ’n ti kpa tra sran’m be awa mun lele’n.
NINNGE CINNJIN NGA BIBLU’N KLE BE’N
?Ngue yɛ be flɛ i Ɲanmiɛn Sielɛ’n niɔn?
I nun mɔ Zezi kán Ɲanmiɛn ndɛ’n, ɔ kannin Ɲanmiɛn Sielɛ’n i ndɛ trali like kwlaa. I afuɛ ya kpanngban yɛ, sran’m be srɛ maan Sielɛ’n i blɛ’n ju.
