SASAFUƐ TRANWLƐ'N (LIKE SUANLƐ LIƐ’N) Zuɛn 2020
Afuɛ 2020, Zuie Utu 3-30 su like nga é súan’n wo fluwa nga nun.
“Maan ɔ dunman’n yo sanwun”
Like suanlɛ 23: Afuɛ 2020, Utu 3-9. ?Ngue ndɛ ɔ fata kɛ ɔ yo klɔ sran nin anzi’m be cinnjin-ɔn? ?Ngue ti yɛ ndɛ sɔ’n ti cinnjin kpa-ɔ? ?Ngue ti yɛ ɔ fata kɛ e fa e ɲin e sie i ndɛ sɔ’n su-ɔ? Sɛ e si kosan sɔ mun ɔ nin kosan uflɛ wie mun ekun be su tɛlɛ’n, e nin Zoova e afiɛn kwla mantan kpa.
“Yo maan min awlɛn’n tran like kunngba su”
Like suanlɛ 24: Afuɛ 2020, Utu 10-16. Like suanlɛ nga nun’n, é wá fá e ɲin é síe i Famiɛn Davidi i srɛlɛ kun su. Srɛlɛ sɔ’n o Jue Mun 86:11, 12 nun. ?Kɛ be se kɛ e sro Zoova i dunman’n i bo’n yɛle benin? ?Ngue ti yɛ ɔ fata kɛ e sro Ɲanmiɛn i dunman’n niɔn? ?Kɛ sa tɛ yolɛ akunndan ba e ti nun’n, ngue ti yɛ sɛ e sro Ɲanmiɛn’n, i sɔ’n úka e-ɔ?
Fluwa’n nun kannganfuɛ’m be kosan mun
?“Nzuɛn nga Ɲanmiɛn wawɛ’n yo maan klɔ sran yi i nglo’n” be kwlaa yɛle nga be boboli be su Galasifuɛ Mun 5:22, 23 nun’n?
Ń kúnndɛ min bua mɔ b’a mlin’n
Like suanlɛ 25: Afuɛ 2020, Utu 17-23. ?Ngue ti yɛ aniaan wie mɔ laa’n be suli Zoova kpa afuɛ kpanngban’n be wa yacili i sulɛ-ɔ? ?Wafa sɛ yɛ Ɲanmiɛn bu aniaan sɔ mun-ɔn? Like suanlɛ nga nun’n, é wá tɛ́ kosan sɔ’m be su. Asa ekun’n, é wá kán Zoova i sufuɛ laa wie mɔ ɔ seli be kɛ be yo ninnge wie mɔ b’a yoman’n be ndɛ. Kpɛkun é kán like nga wafa nga Zoova ukali be’n kle e’n, i ndɛ wie.
‘An sa amun sin bla min sin’
Like suanlɛ 26: Afuɛ 2020, Utu 24-30. Zoova kunndɛ kɛ be nga be boman jasin fɛ kun annzɛ be kɔman aɲia’m be bo kun’n, be sa be sin i wun. Zoova se aniaan sɔ’m be kɛ: ‘An sa amun sin bla min sin.’ E kwla yo ninnge kaka e fa uka be naan b’a nanti Zoova i ndɛ sɔ’n su. Like suanlɛ nga nun’n, é wá kán ninnge sɔ’m be nun wie’m be ndɛ.
