NDƐ NGA E KWLA SUAN BE SU LIKE’N
Kɛ be tanndan e ɲrun’n maan e kle kɛ e ti yakpafuɛ
Kanngan Zeremin 38:1-13 nun naan wun wafa nga Zeremin m’ɔ ti Ɲanmiɛn nuan ijɔfuɛ’n nin Ebɛdi-Melɛki be kle e yakpa yolɛ’n.
Fa ɔ ɲin sie i ndɛ’n i ɲrun nin i sin’n su. ?Ngue ti yɛ ɔ fata kɛ Zeremin yo yakpafuɛ naan w’a kwla kan ndɛ nga Zoova fa wlɛli i nuan’n w’a kle sran mun-ɔn? (Zer. 27:12-14; 28:15-17; 37:6-10) ?Wafa sɛ yɛ sran’m be sɔli i ndɛ’n nun-ɔn?—Zer. 37:15, 16.
Si ndɛ’n i ngbɛsungbɛsu’m be kpa. ?Ngue yɛ sran’m be kunndɛli kɛ Zeremin yo-ɔ? (jr-F 27-28 § 20-22) ?Wafa sɛ yɛ laa blɛ sɔ’n nun’n, nzue guawlɛ’m be ti-ɔ? (it-1-F 483) ?Kɛ a niɛn i sa’n, i nun mɔ Zeremin o nzue guawlɛ kun m’ɔ ti nnɔtiɛ ngunmin’n nun’n, wafa sɛ yɛ i wun yoli i-ɔ? ?Ngue ti yɛ srɛ kwla kun Ebɛdi-Melɛki-ɔ?—w12-F 1/5 31 § 2-3.
Bu afɔtuɛ nga ndɛ sɔ’n man wɔ’n i akunndan. Usa ɔ wun kɛ:
-
‘?Wafa nga Zoova sɛsɛ i sufuɛ mun’n, i su ndɛ benin yɛ ndɛ sɔ’n kle min-ɔn?’(Jue. 97:10; Zer. 39:15-18)
-
‘?Sa benin’m be nun yɛ n kwla kle kɛ n ti yakpafuɛ-ɔ?’
-
‘?Kɛ be tanndan min ɲrun’n, ń yó sɛ naan m’an yo yakpafuɛ naan m’an yo sa ng’ɔ ti kpa’n?’ (w11-F 1/3 30) a
a Sɛ a kunndɛ kɛ á sí ndɛ wie mun ekun mɔ a kwla suan be su like’n, nian ndɛ akpasua “Like suanlɛ’n i su afɔtuɛ wie mun” m’ɔ o afuɛ 2023, Zuie Sasafuɛ Tranwlɛ’n nun’n i nun.
