Atrɛkpa’n, kɛ ɔ yo naan ɔ wla kpɛn like nga a suan’n su’n, ɔ ti kekle man ɔ. ?Sanngɛ a sie i nzɔliɛ kɛ ɔ wla kpɛn Zezi i ɲanndra mun nin i sunnzun ase’m be su ndɛndɛ? Like nga ti yɛ ɔ ti sɔ’n yɛle kɛ wafa nga Zezi kle like’n, ɔ ti kɛ desɛn wie yɛ ɔ yili sa. Ɔ maan e wla kwla kpɛn i ndɛ’m be su. I wafa kunngba’n, kɛ é súan like’n, sɛ e mian e ɲin e yi ndɛ’m be su desɛn’n, i sɔ’n úka e naan e wla w’a kpɛn ndɛ’m be su kpa.

Blɛ sunman’n, be nga kɛ be suan like kun’n be yi su desɛn’n, be wla fiman like nga be suannin’n su. Be waan kɛ be yo sɔ’n, nán ndɛ mma nga be klɛli’n be ngunmin su yɛ be wla kpɛn-ɔn, sanngɛ be wla kpɛn like nga be suannin’n i nun ndɛ cinnjin’m be su. Desɛn kanngan wie mun yɛ be yi be-ɔ, be kunndɛmɛn i klanman’n. Sɛ sran oke mun bɔbɔ be yi like nga be suan’n i su desɛn wie’n, i sɔ’n úka be kpa.

I sɔ’n ti’n, kɛ á wá súan like cɛn uflɛ’n, mian ɔ ɲin naan yi like nga a suan’n i su desɛn wie mun. Sɛ a yo sɔ’n, á wún kɛ ɔ wla kpɛn ndɛ’m be su tra laa’n.