A kwla ɲan ninnge nga Ɲanmiɛn yo’n be su ye wie
A kunndɛ kɛ á trán mɛn kun mɔ alɛ nin nzaje sa’m be nunman nun’n, i nun?
?A klo kɛ tukpacɛ’n nin ɲrɛnnɛn’n, ɔ nin wie’n, be wie?
?A kunndɛ kɛ á trán mɛn kun mɔ i nun’n sran’m be kokoman yɛ be klun titiman be’n, i nun?
?A klo kɛ á trán mɛn kun mɔ sanvuɛsa nunman nun’n, i nun?
E Si Ɲanmiɛn m’ɔ yili asiɛ’n, ɔ seli kɛ ɔ́ yó maan sran’m bé trán fɔun nun yɛ bé dí aklunjuɛ tititi. Ndɛ sɔ’n timan laliɛ nun ndɛ.
Fluwa nga nun’n, é wá fá e ɲin é síe i ndɛ nga’m be su:
?Ngue yɛ ɔ kle kɛ e Yifuɛ’n klo e-ɔ?
?Ngue ndɛ yɛ Ɲanmiɛn Ndɛ’n kan-ɔn?
?Ngue ndɛ yɛ Ɲanmiɛn nuan ijɔfuɛ’m be kɛnnin i ninnge nga Ɲanmiɛn yoli be’n, ɔ nin ng’ɔ́ wá yó be’n, be su-ɔ?
?Wafa sɛ yɛ Ɲanmiɛn kwla uka e naan y’a di aklunjuɛ dɔ nga su nin e ɲrun lɔ-ɔ?
Siɛn’n, maan e kan ninnge nga Ɲanmiɛn fa mannin e mɔ be kle kɛ ɔ klo e’n, be ndɛ.
