Zezi ‘fɛ i wun yili mɛn’n i ti tɛ’n’

Zan batɛmu yofuɛ’n seli kɛ Zezi “wá fɛ́ i wun yí mɛn’n i ti tɛ’n.” (Zan 1:29) Ndɛ sɔ’n fa e ɲin sie i like nga Zezi yoli fa deli sran mun’n i su.

?Ngue ti yɛ ɔ nin i fatali kɛ Zezi wu naan w’a kpɔ sa tɛ yofuɛ’m be ti ɔ?

?Ngue yɛ Zezi i wie’n kpɛli i wun atin ɔn?

?Wan yɛ ɔ ɲɛn i wie’n i su mmlusuɛ ɔ?

?Ngue yɛ i sɔ’n ti ɔ fata kɛ amun yo ɔ?

Afuɛ kwlaa nun’n, kɛ cɛn nga Zezi wuli’n ko ju’n, Zoova i Lalofuɛ’m be yo aɲia kun be fa kle kɛ be wla kpɛn i wie’n su. Afuɛ’n, cɛn ng’ɔ wuli’n tɔ Mɔnnɛn cɛn m’ɔ ti Avrili i le 17, kɛ sɛnzɛ’n ko tɔ’n.

Zoova i Lalofuɛ’m be yia amun kɛ amun bla naan amun a tie sa nga ti yɛ Zezi wuli’n i su ndɛ. Kosan nga be usali be nglo lɔ’n, bé wá fá Biblu’n tɛ́ be su.

Amun kwla kɔ aɲia nga bé yó i amun wun kokolɛ’n i bo. An usa Zoova i Lalofuɛ nga be mantan amun lɛ’n naan be kle amun dɔ’n ɔ nin lika nga bé yó aɲia’n.