Sa mɔ i bo’n gúa kpa’n
Sa mɔ i bo’n gúa kpa’n
“Kɛ mɛn’n ɔ́ kɔ́ i bue nuan’n, lika’n ɔ́ yó kekle.”—2 TIMOTE 3:1.
?AMUN a ti sa kekle nga be o yɛ’n be su ndɛ le? ?Annzɛ wie’m b’a ju amun bɔbɔ amun su le?
● Tukpacɛ tɛ kun m’ɔ kun sran sunman’n.
● Awe’n ti’n, sran kpanngban kpa be wu.
● Asiɛ’n i kejelɛ’n kun sran akpiakpi ko ju wie, yɛ be nun sunman be sua’m be bubu.
Ndɛ nga bé bá lɛ’n be nun’n, é wá wún ɲrɛnnɛn sa kɛ ngalɛ mun sa ekun. Asa ekun’n, é wá wún i kɛ Biblu’n dun mmua kannin kɛ, “kɛ mɛn’n ɔ́ kɔ́ i bue nuan’n” yɛ ɲrɛnnɛn sa sɔ’m bé jú ɔ. *
Nán kɛ be waan maan e si kɛ mɛn’n w’a yo kekle i ti yɛ be klɛli ndɛ nga mun ɔn. Atrɛkpa’n, e bɔbɔ e wun ɲrɛnnɛn sa sɔ mun weinwein. Sanngɛ be siesieli ndɛ sɔ mun naan be gua e awlɛn su nzue. Ndɛ sɔ’m bé wá klé kɛ Ɲanmiɛn nuan ndɛ nsiɛn nga bé wá bó be su’n, be su kpɛnlɛ’n ɔ kle kɛ mɛn nga y’a ju i ‘bue nuan’ yɛ’n, ɔ ka kaan’n ɔ́ wíe. Ndɛ wie mɔ sran wie’m be kan mɔ be kle be bumɛn i kɛ e o mɛn’n i bue nuan’n, ndɛ nga be lɔngɔlɔngɔ su yɛ’n bé wá yíyí nun. Yɛ bé klé ekun kɛ e kwla lafi su kɛ e ɲrun lɔ’n yó kpa.
[Ja ngua lɛ ndɛ’n]
^ Sɛ amun waan amún sí like nga ti yɛ Ɲanmiɛn yaci sa tɛtɛ be lɛ mɔ be ju’n, amun nian ndɛ nga be flɛ i “?Ngue ti yɛ Ɲanmiɛn yaci sran’m be lɛ mɔ be yo sa tɛ yɛ be wun ɲrɛnnɛn’n niɔn?” m’ɔ o fluwa nga i bue 12 nin 13 be nun’n.