?Zezi ti sran kpa ngbɛn wie sa?
Ndɛ nga Biblu’n kan’n
Zezi timan sran kpa ngbɛn wie sa. Ɔ ti be kwlaa nga be trannin asiɛ’n su’n, be nun cinnjin kpafuɛ’n. Nian Zezi i su ndɛ nga fluwa sifuɛ dandan wie mɔ sran’m be si be kpa’n be kannin’n:
Angle lɔ laa sa’m be su like suanfuɛ kun suan Wɛlsi. Ɔ seli kɛ: “Kɛ ɔ fɛ i mɛn’n i bo bolɛ nun lele’n, Zezi m’ɔ fin Nazarɛti’n […] yɛ ɔ ti sran’m be nun cinnjin kpafuɛ’n niɔn.”
Amlɛnkɛn’m be mɛn’n nun lɔ fluwa sifuɛ dan kun suan Kenɛti Sikɔti Laturɛti. Ɔ seli kɛ: “[Zezi] yɛ ɔ ti be kwlaa nga be trannin asiɛ nga su’n be nun ng’ɔ ɲannin ta sran’m be su kpa’n niɔn. Lele nin andɛ’n, i su ndɛ’n te uka sran mun.”
Sa nga ti yɛ Zezi ɲan ta sran’m be su tra be kwlaa nga be trannin asiɛ’n su wa’n, Biblu’n kɛn i ndɛ. Cɛn kun’n, Zezi bɔbɔ usɛli i sɔnnzɔnfuɛ nga be mɛntɛn i koko kpa’n be kɛ be bu i kɛ wan yɛle i. Be nun kun tɛli su klanman kpa seli kɛ: “Klisi’n yɛle wɔ, a ti Ɲanmiɛn m’ɔ lafiman’n i Wa.”—Matie 16:16.
Ninnge wie mɔ be kwla yo ɔ fɛ ekun'n
KOSAN MƆ BIBLU’N TƐ BE SU’N
?Mesi’n i su ndɛ nga be kɛnnin i Ɲanmiɛn Ndɛ’n nun’n kle kɛ Zezi yɛ ɔ ti Mesi’n niɔn?
?Mesi’n i su ndɛ nga Ɲanmiɛn Ndɛ’n kannin’n, be kwla kpɛn su sran nɲɔn annzɛ sran sunman lika?
NINNGE CINNJIN NGA BIBLU’N KLE BE’N
?Ngue ti yɛ Zezi wuli ɔ?
Atrɛkpa’n w’a ti i le kɛ e sa tɛ’m be ti ye Zezi wuli-ɔ. ?Sanngɛ tɛ kunngba m’ɔ yili’n ɔ kwla yo sran miliɔn kpanngban be ye?
KOSAN MƆ BIBLU’N TƐ BE SU’N
?Wafa sɛ yɛ tɛ nga Zezi yili’n ‘ɔ kpɔ sran kpanngban be ti-ɔ’?
?Wafa sɛ yɛ e ti kpɔlɛ tɛ’n kwla de e sa tɛ’n i sa nun-ɔn?
SASAFUƐ TRANWLƐ'N
?Wan yɛle Zezi Klist?
E SU NDƐ
Se e naan e wa nian ɔ osu
A nin Zoova i Lalofuɛ mun amun koko Biblu’n nun ndɛ kun su yalɛ, annzɛ kunndɛ kɛ á sí be su ndɛ kpa.