OCTOBER 15, 2024
LIKE UFLƐUFLƐ BENIN
Afuɛ ng’ɔ fata kɛ sran kun ɲɛn i naan w’a uka Ɲanmiɛn junman ng’ɔ di’n su’n i su jasin ng’a be boli i afuɛ nuan aɲia’n i bo’n
Afuɛ 2024 Ɔktɔblu i le 5 su’n, anuannzɛ Watch Tower Bible and Tract Society of Pennsylvania yoli i afuɛ nuan aɲia’n. Aɲia sɔ’n i bo’n be kleli afuɛ ng’ɔ fata kɛ sran kun ɲɛn i naan w’a kwla di junman Betɛli annzɛ sua kplanlɛ junman’n. Laa’n sɛ sran kun nin-a ɲanman afuɛ 19 ɔ kwlá diman di junman sɔ mun. Sanngɛ siɛn’n, kɛ ɔ ko ɲan afuɛ 18 ɔ kwla di be. Be seli ekun kɛ laa’n sɛ sran kun nin-a ɲanman afuɛ 23 ɔ kwlá diman Ɲanmiɛn Sielɛ’n i jasin bofuɛ’m be suklu’n. Sanngɛ siɛn’n, kɛ ɔ ko ɲan afuɛ 21 ɔ kwla di suklu sɔ’n wie.
Anuannzɛ’n waan aniaan’m be ka lɛ be nanti ajalɛ sɔ’n su. I sɔ liɛ’n ti’n, gbanflɛn nin talua nga b’a ɲɛn i sɔ afuɛ mun’n be kwla uka junman nga be di be man Zoova’n i su.
Ninnge wie mɔ be kwla yo ɔ fɛ ekun'n
?WAN MUN YƐ BE YO ZOOVA I KLUN SA ANDƐ Ɔ?
?Ngue yɛ be flɛ i Betɛli’n niɔn?
Betɛli’n ti lika ngunmin kun yɛ junman nga be ti i lɔ’n ti cinnjin kpa. Nian be nga be di junman lɔ’n.
KLISIFUƐ MUN NIN BE JUNMAN’N—AƝIA FLUWA
Ɲanmiɛn i wla su fiman junman nga e di’n su
?Sɛ a waan á dí junman Betɛli lɔ’n, ngue yɛ ɔ fata kɛ a yo-ɔ?