Isaias 15:1-9
-
Mensahe laban sa Moab (1-9)
15 Sarong mensahe laban sa Moab:+
Huli ta linaglag ini sa laog nin sarong banggi,An Ar+ nin Moab pinasilensiyo.
Huli ta linaglag ini sa laog nin sarong banggi,An Kir+ nin Moab pinasilensiyo.
2 Nagtukad siya sa Harong* asin sa Dibon,+Sa mga halangkaw na lugar tanganing maghibi.
Nagtatangis an Moab huli sa Nebo+ asin huli sa Medeba.+
An gabos na payo kinalbo,+ an gabos na barabas tinabas.+
3 Sa mga tinampo kaini nagsurulot sinda nin telang sako.
Sa mga bubungan ninda asin sa mga plasa ninda gabos sinda nagtatarangis;Nagbabaraba sinda na naghihibi.+
4 An Hesbon asin an Eleale+ nagkukurahaw;An boses ninda nadadangog sagkod sa Jahaz.+
Kaya padagos na nagkukurahaw an mga armadong lalaki kan Moab.
Nagtatakig siya.*
5 Nag-aagrangay an sakong puso huli sa Moab.
An mga nagdurulag diyan nakaabot sagkod sa Zoar+ asin Eglat-selisiya.+
Mantang nagtutukad sa bakilid kan Luhit naghihiribi sinda;Mantang pasiring sa Horonaim nag-aagrangay sinda huli sa grabeng kapahamakan.+
6 Huli ta an katubigan kan Nimrim namara;An berdeng duot naluyos,An duot nawara asin mayong ano man na berde na natada.
7 Iyan an dahilan kaya dara-dara ninda an natada sa mga natipon ninda asin sa kayamanan ninda;Nagbabaralyo sinda sa kababan* nin mga puon nin alamo.*
8 Huli ta an pag-agrangay nag-aaniningal sa bilog na teritoryo kan Moab.+
An pagtangis nakakaabot sagkod sa Eglaim;An pagtangis nakakaabot sagkod sa Beer-elim.
9 Huli ta an katubigan kan Dimon pano nin dugo,Asin may nakatagama pa ako para sa Dimon:
Sarong leon para sa mga minadulag na taga MoabAsin para sa mga natatada sa nasyon.+
