Isaias 35:1-10
35 An kaawagan asin an alang na daga maggagaya-gayang marhay,+Asin an disyertong kapatagan magigin maugma asin mamumurak arog kan azafran.*+
2 Siguradong mamumurak iyan;+Maggagaya-gaya iyan asin makurahaw sa kaugmahan.
Itatao diyan an kamurawayan kan Lebanon,+An kagayunan kan Carmel+ asin kan Saron.+
Mahihiling ninda an kamurawayan ni Jehova, an kahanga-hangang kagayunan kan satuyang Diyos.
3 Pakusugon nindo an maluyang mga kamot,Asin papusugon nindo an nagkukubog-kubog na mga tuhod.+
4 Sabihon nindo sa mga may pusong naghahadit:
“Magpakakusog kamo. Dai kamo matakot.
Uya! An saindong Diyos maabot na may pamamalos,An Diyos maabot na may paniningil.+
Maabot siya asin ililigtas niya kamo.”+
5 Sa panahon na iyan, an mga mata kan mga buta magkakamuruklat,+Asin an mga talinga kan mga bungog magkakaburuksan.+
6 Sa panahon na iyan, an pilay malukso-lukso arog kan usa,+Asin an dila kan mga púla makurahaw sa kaugmahan.+
An mga tubig maburulwak sa kaawagan,Asin an mga sapa sa disyertong kapatagan.
7 An dagang alang sa init magigin danaw-danaw na pano nin tambo,*Asin an pahang daga magigin mga burabod nin tubig.+
Sa mga istaran kan mga layas na ayam na jakal na diyan sinda nagpapahingalo+Magkakaigwa nin berdeng duot, mga tambo, asin papiro.
8 Asin magkakaigwa diyan nin sarong mayor na tinampo,+Iyo, sarong dalan na aapudon na Dalan nin Kabanalan.
An saro na maati dai maagi diyan.+
Para sana ini sa saro na tinugutan na maglakaw sa dalan;Mayo nin mangmang na malagaw-lagaw diyan.
9 Dai diyan magkakaigwa nin leon,Asin dai madiyan an mabangis asin mga layas na hayop.
Dai sinda manunumpungan diyan;+An mga tinubos sana an maralakaw diyan.+
10 Idtong mga tinubos ni Jehova mabaralik+ asin maduruman sa Sion na nagkukurahaw na maugma.+
Daing katapusan na kaugmahan an magigin korona sa mga payo ninda.+
An labi-labing kaugmahan asin paggaya-gaya mapapasainda,Asin an kamunduan saka pag-agrangay mawawara.+
