Job 17:1-16
17 “Ubos na an kusog* ko, tapos na an mga aldaw ko;Hinahalat na ako kan lubungan.+
2 Pinapalibutan ako kan mga paratuya-tuya,+Asin pirming namamasdan kan sakong mata an* pagrebelde ninda.
3 Akuon mo tabi an sakuyang panggarantiya, asin sarayon mo ini.
Siisay pa man an makikiabrasa sako asin mangangako na tatabangan ako?+
4 Huli ta dai mo tinawan nin pakasabot an saindang puso;+Iyan an dahilan kaya dai mo sinda ilinalangkaw.
5 May itinatangro siya sa saiyang mga amigo,Mantang an mga mata kan mga aki niya nagluluya dahil sa gutom.
6 Pinangyari niyang pagtuya-tuyaon* ako kan mga banwaan,+Kaya nakaiba ako sa mga linulutaban ninda sa lalawgon.+
7 Nagluluya an sakong mga mata dahil sa grabeng kasakitan,+Asin garo na sana anino an gabos kong kalamias.
8 Napapaburarat digdi an matanos na mga tawo,Asin napupurisaw an daing sála dahil sa tawong mayong Diyos.*
9 An matanos padagos na naggigibo nin katanusan,+Asin an saro na daing sála mas minakusog.+
10 Alagad, madya kamo gabos asin ipadagos nindo an saindong argumento,Huli ta mayo akong nahihiling na madunong sa saindo.+
11 Tapos na an sakuyang mga aldaw;+Raot na an mga plano ko, an mga minamawot kan sakong puso.+
12 Pigpaparagibo nindang aldaw an banggi,Na sinasabi, ‘Madali nang magliwanag ta madiklom na.’
13 Dikit na halat-halat na sana, magigin harong ko na an Lubungan;*+Ibibiklad ko na an sakong higdaan sa kadikluman.+
14 Sasabihon ko sa lubungan,*+ ‘Ika an ama ko!’
Sa ulod, ‘Ina ko saka tugang ko!’
15 Kaya, hain an sakuyang paglaom?+
Siisay an nakakahiling nin paglaom para sako?
16 Mababa iyan* pasiring sa nababaratan na mga trangkahan kan Lubungan*Pag pareho na kaming magbalik sa alpog.”+
Mga Nota
^ O “espiritu.”
^ O “Asin napapaturuhok an sakong mata sa.”
^ Sa literal, “magin sarabihon.”
^ O “sa apostata; sa maraot.”
^ O “kalot.”
^ An buot sabihon, an sakuyang paglaom.
