Job 35:1-16
35 Ipinadagos ni Elihu an saiyang simbag:
2 “Kumbinsido kang marhay na tama ka kaya sinasabi mo,‘Mas matanos ako kisa sa Diyos’?+
3 Sinasabi mo kaya, ‘Ano man kaiyan saimo?*
Mas naparahay daw ako na dai ako nagkasala?’+
4 Masimbag ako saimoAsin sa mga kairiba mo.+
5 Magtangad ka sa langit asin hilingon mo,Pagmasdan mo an mga panganuron,+ na mas halangkaw kisa saimo.
6 Kun nagkakasala ka, paano mo siya nakukulgan?+
Kun nagdadakul an saimong mga paglapas, ano an nagigibo mo saiya?+
7 Kun matanos ka, ano an naitatao mo saiya;Ano an naaako niya hali saimo?+
8 An karatan mo may epekto lang sa tawong kapareho mo,Asin an pagigin matanos mo may epekto lang sa aki nin tawo.
9 Nag-aagrangay an mga tawo pag inaapi;Naghahagad sinda nin tabang dahil sa pang-aabuso* kan mga makapangyarihan.+
10 Pero mayong nagsasabi, ‘Hain an Diyos, an sakuyang Pinakanangungurog na Kaggibo,+An saro na nagpapangyari sa mga tawo na magkanta nin mga pag-umaw sa banggi?’+
11 Mas tinutukduan niya kita+ kisa sa mga hayop kan daga,+Asin mas pinapadunong niya kita kisa sa mga gamgam kan kalangitan.
12 Naghahagad nin tabang an mga tawo, pero dai siya nagsisimbag,+Dahil sa kapalangkawan kan mga maraot.+
13 Siguradong dai dinadangog nin Diyos an sagin-sagin na paghibi;*+Dai diyan nagtataong atensiyon an Makakamhan sa Gabos.
14 Kaya paano pa daw kun nagrereklamo ka na dai mo siya nahihiling!+
An saimong kaso naiatubang na sa saiya, kaya dapat kang maghalat sa saiya.+
15 Huli ta dai siya naanggot saimo, asin dai ka man niya pinadusahan;Asin dawa ngani nagpabigla-bigla kang marhay sa pagtaram, dai niya man iyan pig-intindi.+
16 Daing saysay an pagbuka ni Job kan saiyang nguso;Dakulon siyang pigtataram pero dai niya aram an saiyang mga sinasabi.”+
Mga Nota
^ Posibleng marhay na nanunungod sa Diyos.
^ Sa literal, “takyag.”
^ O “an sarong kaputikan.”
