Job 40:1-24
40 Nagpadagos si Jehova sa pagsimbag ki Job:
2 “Dapat daw makipagdiskutiran sa Makakamhan sa Gabos an saro na parahanap nin sala?+
Magsimbag an saro na gustong magsaway sa Diyos.”+
3 Nagsimbag si Job ki Jehova:
4 “Uya! Bako akong maninigo.+
Ano an maisisimbag ko saimo?
Tatakupan ko kan kamot ko an sakong nguso.+
5 Nagsimbag akong sarong beses, o duwang beses pa ngani, pero dai na ako masimbag giraray;Mayo na akong idadagdag pa.”
6 Dangan sinimbag ni Jehova si Job hali sa alipuros:+
7 “Ihanda mo tabi an sadiri mo siring sa sarong lalaki;Hahaputon taka, asin simbagon mo ako.+
8 Kukuwestiyunon mo daw* an sakuyang hustisya?
Kokondenaron mo daw ako para ika an magin tama?+
9 Igwa ka daw nin takyag na kasingkusog kan sa tunay na Diyos,+O mapapadaguldol mo daw an boses mo arog kan sa saiya?+
10 Samnuhan mo tabi an sadiri mo nin kamurawayan asin kamahalan;Sulutan mo an sadiri mo nin onra asin kagayunan.
11 Iluwas mo an grabe mong kaanggutan;Hilingon mo an lambang tawong mapalangkaw, asin ibaba mo siya.
12 Hilingon mo an lambang tawong mapalangkaw, asin pakumbabaon mo siya,Asin tungtungan mo an mga maraot sa tinitindugan ninda.
13 Italbong mo sinda gabos sa alpog;Gapuson mo sinda* sa tagong lugar,
14 Dangan, maski ako, ipapahayag ko saimo*Na maililigtas ka kan tuong kamot mo.
15 Hilinga an Behemot,* na ginibo ko man arog mo.
Nagsasabsab iyan nin duot kapareho nin torong baka.
16 Hilinga kun gurano kakusog an piad kaiyanAsin an mga kalamnan kaiyan sa tulak!
17 Pinapatagas kaiyan an ikog siring sa sedro;Garo sinalapid an mga litid kaiyan sa paa.
18 An mga tulang kaiyan garo mga tubong tanso;An mga bitis kaiyan garo mga baston na gibo sa pinanday na lansang.
19 Iyan an panginot sa* mga gibo nin Diyos;An Kaggibo sana kaiyan an solamenteng makakarani diyan dara an saiyang espada.
20 Huli ta an kabukidan, kun sain nagkakawat an gabos na layas na hayop,An nagtataong kakanon diyan.
21 Naghihigda iyan sa sirong kan mga puon nin lotusAsin nagpapahipli sa mga tambo kan matubig na lugar.
22 Linilimpuyan iyan kan mga puon nin lotusAsin pinapalibutan kan mga puon nin alamo* sa kababan.*
23 Maski masulog an salog, dai iyan natataranta.
Kampante iyan, dawa nagraragasa sa nguso kaiyan an tubig sa Jordan.+
24 May makakadakop daw diyan mantang nakahiling iyan,O may makakalaag daw nin kawit* sa dungo kaiyan?
Mga Nota
^ O “Papawaran mo daw nin saysay.”
^ Sa literal, “an saindang mga lalawgon.”
^ O “kokomendaran taka.”
^ Posibleng an hipopotamo.
^ Sa literal, “kapinunan kan.”
^ Sa Ingles, poplar.
^ O “sulugan na kababan.”
^ Sa literal, “siod.”
