Salmo 116:1-19
116 Namumutan ko si JehovaHuling dinadangog niya* an boses ko, an mga pakiulay ko nin paghagad nin tabang.+
2 Huli ta ikinikiling niya sa sako an saiyang talinga,*+Asin maapod ako sa saiya sagkod na ako nabubuhay.*
3 Napuruputan ako kan mga lubid nin kagadanan;Nakakaputan ako nin higot kan Lubungan.*+
Nadaog ako nin sakit asin kamunduan.+
4 Alagad nag-apod ako sa pangaran ni Jehova:+
“O Jehova, iligtas mo ako!”*
5 Mapagmalasakit* asin matanos si Jehova;+Mahihirakon an satuyang Diyos.+
6 Binabantayan ni Jehova an mga daing eksperyensiya.+
Nasa masakit na kamugtakan ako kaidto, asin ilinigtas niya ako.
7 Lugod na an sakong kalag* magin trangkilo giraray,Huling nagin mabuot sa sako si Jehova.
8 Ilinigtas mo ako* hali sa kagadanan,An mata ko hali sa mga luha, an bitis ko hali sa pagkasingkog.+
9 Malakaw ako sa atubangan ni Jehova sa daga kan mga buhay.
10 Igwa ako nin pagtubod, kaya nagtaram ako;+Grabe an nagin pagsakit ko.
11 Nataranta ako asin nagsabi:
“Putikon an gabos na tawo.”+
12 Ano an ibabalos* ko ki JehovaPara sa gabos na karahayan na ginibo niya sa sakuya?
13 Aakuon ko an kopa nin kaligtasan,*Asin maapod ako sa pangaran ni Jehova.
14 Uutubon ko an sakong mga promesa ki JehovaSa atubangan kan bilog na banwaan niya.+
15 Dakulang kawaran para ki* JehovaAn kagadanan kan mga maimbod sa saiya.+
16 Nakikimahirak ako sa saimo, O Jehova,Huling lingkod mo ako,
Ako an lingkod mo, an aking lalaki kan babaying uripon mo.
Pinatalingkas mo ako sa mga gapos ko.+
17 Magdudulot ako sa saimo nin atang nin pasasalamat;+Maapod ako sa pangaran ni Jehova.
18 Uutubon ko an sakong mga promesa ki Jehova+Sa atubangan kan bilog na banwaan niya,+
19 Sa mga patyo kan harong ni Jehova,+Sa tahaw mo, O Jerusalem.
Umawon nindo si Jah!*+
Mga Nota
^ O posibleng “Namumuot ako huling dinadangog ni Jehova.”
^ O “minaduko siya tanganing dangugon ako.”
^ Sa literal, “sa sakong mga aldaw.”
^ Sa literal, “Nasumpungan ako kan mga kasakitan nin Sheol.”
^ O “an kalag ko.”
^ O “Marahay an buot.”
^ O “an kalag ko.”
^ O “ibabayad.”
^ O “dakulang kaligtasan.”
^ Sa literal, “Mahalagang marhay sa mga mata ni.”
^ O “Aleluya!” Sa Ingles, Hallelujah. An “Jah” pinahalipot na porma kan pangaran na Jehova.
