Salmo 130:1-8
Kanta Para sa mga Pagtukad.
130 Hali sa mga kairaruman nag-aapod ako sa saimo, O Jehova.+
2 O Jehova, danguga an boses ko.
Lugod na tawan nin atensiyon kan saimong mga talinga an mga pakiulay ko nin paghagad nin tabang.
3 Kun an mga sala an saimong binabantayan,* O Jah,*Siisay, O Jehova, an makakatindog?+
4 Huli ta sa saimo igwa nin tunay na kapatawadan,+Na sa siring tawan ka nin hararom na paggalang.*+
5 Naglalaom ako ki Jehova, an bilog kong pagkatawo* naglalaom sa saiya;Hinahalat ko an tataramon niya.
6 Hinahalat-halat ko nanggad* si Jehova,+Nin labi pa sa paghalat kan mga bantay sa pag-abot kan aga,+Iyo, nin labi pa sa paghalat kan mga bantay sa pag-abot kan aga.
7 Lugod na padagos na maghalat ki Jehova an Israel,Huling maimbod si Jehova kun manungod sa saiyang pagkamuot,+Asin may dakula siyang kapangyarihan na mantubos.
8 An Israel tutubuson niya sa gabos na pagkakasala ninda.
Mga Nota
^ O “pigsusubaybayan.”
^ An “Jah” pinahalipot na porma kan pangaran na Jehova.
^ Sa literal, “katakutan ka.”
^ O “an kalag ko.”
^ O “Hinahalat-halat nanggad kan kalag ko.”
