Salmo 136:1-26
136 Magpasalamat kamo ki Jehova, huling marahay siya;+Nagdadanay sagkod lamang an maimbod na pagkamuot niya.+
2 Magpasalamat kamo sa Diyos nin mga diyos,+Huling nagdadanay sagkod lamang an maimbod na pagkamuot niya.
3 Magpasalamat kamo sa Kagurangnan nin mga kagurangnan,Huling nagdadanay sagkod lamang an maimbod na pagkamuot niya.
4 Siya sana an naggigibo nin darakulang ngangalásan,+Huling nagdadanay sagkod lamang an maimbod na pagkamuot niya.+
5 Mahusay* niyang ginibo an kalangitan,+Huling nagdadanay sagkod lamang an maimbod na pagkamuot niya.
6 Biniklad niya sa ibabaw kan katubigan an daga,+Huling nagdadanay sagkod lamang an maimbod na pagkamuot niya.
7 Ginibo niya an darakulang ilaw,+Huling nagdadanay sagkod lamang an maimbod na pagkamuot niya,
8 An saldang* tanganing mamahala kun aldaw,+Huling nagdadanay sagkod lamang an maimbod na pagkamuot niya,
9 An bulan asin an mga bituon tanganing mamahala kun banggi,+Huling nagdadanay sagkod lamang an maimbod na pagkamuot niya.
10 Ginaradan niya an mga panganay kan Ehipto,+Huling nagdadanay sagkod lamang an maimbod na pagkamuot niya.
11 Ilinuwas niya an Israel hali sa tahaw ninda,+Huling nagdadanay sagkod lamang an maimbod na pagkamuot niya,
12 Paagi sa makusog na kamot+ asin nakaunat na takyag,Huling nagdadanay sagkod lamang an maimbod na pagkamuot niya.
13 Binanga niya sa duwa* an Dagat na Pula,+Huling nagdadanay sagkod lamang an maimbod na pagkamuot niya.
14 Pinabalyo niya an Israel sa tahaw kaiyan,+Huling nagdadanay sagkod lamang an maimbod na pagkamuot niya.
15 Tinapring niya si Faraon asin an hukbo kaini sa Dagat na Pula,+Huling nagdadanay sagkod lamang an maimbod na pagkamuot niya.
16 Giniyahan niya an saiyang banwaan sa kaawagan,+Huling nagdadanay sagkod lamang an maimbod na pagkamuot niya.
17 Pinabaragsak niya an makapangyarihan na mga hadi,+Huling nagdadanay sagkod lamang an maimbod na pagkamuot niya.
18 Ginaradan niya an makusog na mga hadi,Huling nagdadanay sagkod lamang an maimbod na pagkamuot niya,
19 Si Sihon+ na hadi kan mga Amorita,Huling nagdadanay sagkod lamang an maimbod na pagkamuot niya,
20 Asin si Og+ na hadi kan Basan,Huling nagdadanay sagkod lamang an maimbod na pagkamuot niya.
21 Itinao niya bilang mana an saindang kadagaan,+Huling nagdadanay sagkod lamang an maimbod na pagkamuot niya,
22 Sarong mana para sa Israel na saiyang lingkod,Huling nagdadanay sagkod lamang an maimbod na pagkamuot niya.
23 Ginirumdom niya kita kan kita nasa hababang kamugtakan,*+Huling nagdadanay sagkod lamang an maimbod na pagkamuot niya.+
24 Pirmi niya kitang iliniligtas sa satong mga kalaban,+Huling nagdadanay sagkod lamang an maimbod na pagkamuot niya.
25 Tinatawan niya nin kakanon an lambang bagay na may buhay,*+Huling nagdadanay sagkod lamang an maimbod na pagkamuot niya.
26 Magpasalamat kamo sa Diyos kan kalangitan,Huling nagdadanay sagkod lamang an maimbod na pagkamuot niya.
Mga Nota
^ O “May pakasabot.”
^ O “aldaw.”
^ Sa literal, “Pinidaso niya.”
^ O “nasa mamundong kamugtakan; pinangluluyahan nin buot.”
^ Sa literal, “an gabos na laman.”
