Salmo 141:1-10
Salmo ni David.
141 O Jehova, nag-aapod ako sa saimo.+
Maghidali kang tabangan ako.+
Magtao ka tabing atensiyon pag ako nag-aapod sa saimo.+
2 Lugod na an sakong pamibi magin siring sa inandam na insenso+ sa atubangan mo,+An sakong nakataas na mga kamot sa pagpamibi magin siring sa pambangging dulot na tipasi.+
3 Magpuwesto ka nin guwardiya para sa sakong nguso, O Jehova,Bantayan mo tabi an pinto kan sakong mga ngabil.+
4 Dai mo pagpabayaan an sakong puso na kumiling sa ano man na maraot,+Na makiiba sa makababalding mga ginigibo kan mga maraot na tawo;Lugod na dai ako nuarin man makikakan sa masisiram nindang pagkakan.
5 Hampakon man ako kan matanos, pagpahiling iyan nin maimbod na pagkamuot;+Sagwion man niya ako, magigin iyan garo lana sa payo ko,+Na dai nuarin man hahabuan kan sakong payo.+
Padagos akong mamimibi dawa sa panahon kan saindang mga kapahamakan.
6 Dawa ihurulog sa ampas an saindang mga hukom,An mga tawo mataong atensiyon sa sakong mga tataramon, huli ta an mga iyan marahayon.
7 Arog kan nangyayari pag inaarado nin saro an daga asin ginugudak iyan,An samong mga tulang nagkawararak man sa may bunganga kan Lubungan.*
8 Alagad nakahiling sa saimo an sakong mga mata, O Soberanong Kagurangnan na Jehova.+
Sa saimo ako nagpapaili.
Dai mo pagkuanon an buhay ko.*
9 Protektaran mo ako sa mga panga kan silo na itináon* ninda para sa sako,Laban sa mga siod kan mga paragibo nin karatan.
10 An mga maraot iribanan na magkakahurulog sa sadiri nindang mga hikot,+Mantang ako ligtas na minaagi.
