Salmo 149:1-9
149 Umawon nindo si Jah!*
Magkanta kamo ki Jehova nin bagong kanta;+Umawon nindo siya sa katiripunan* kan mga maimbod.+
2 Lugod na maggaya-gaya an Israel huli sa Pinakanangungurog na Kaggibo niya;+Lugod na mag-urugma an mga aki nin Sion huli sa Hadi ninda.
3 Lugod na umawon ninda an saiyang pangaran nin may kaibang pagbayle+Asin magkanta nin mga pag-umaw* sa saiya, na sinasabayan kan tamburin asin kan arpa.+
4 Huli ta nauugma si Jehova sa saiyang banwaan.+
Sinasamnuhan niya an mga mahuyo nin kaligtasan.+
5 Lugod na maggaya-gaya an mga maimbod huli sa saindang kamurawayan;Lugod na magkururahaw sinda na may kaugmahan sa saindang mga higdaan.+
6 Lugod na mapasahalunan ninda an mga kanta na nag-uumaw sa Diyos,Asin mapasakamot ninda an sarong espada na mag-inibong an tarom,
7 Tanganing baluson an mga nasyonAsin padusahan an mga banwaan,
8 Tanganing kadenahan an saindang mga hadi,Asin lagan nin kadenang lansang an saindang mga respetadong tawo,
9 Tanganing isagibo an sentensiyang isinurat laban sa sainda.+
An onrang ini para sa gabos na maimbod sa saiya.
Umawon nindo si Jah!*
Mga Nota
^ O “Aleluya!” Sa Ingles, Hallelujah. An “Jah” pinahalipot na porma kan pangaran na Jehova.
^ O “kongregasyon.”
^ O “maggibo nin musika para.”
^ O “Aleluya!” Sa Ingles, Hallelujah. An “Jah” pinahalipot na porma kan pangaran na Jehova.
