Salmo 29:1-11
Salmo ni David.
29 Itao nindo ki Jehova an maninigo para sa saiya, kamong mga aking lalaki kan mga makukusog,Itao nindo ki Jehova an maninigo para sa saiya huli sa saiyang kamurawayan asin kusog.+
2 Itao nindo ki Jehova an kamurawayan na maninigo sa pangaran niya.
Magduko* kamo ki Jehova sulot an saindong banal na gubing.*
3 An boses ni Jehova madadangog sa ibabaw kan katubigan;An boses kan mamuraway na Diyos nagdadaguldol.+
Si Jehova nasa ibabaw nin dakul na katubigan.+
4 An boses ni Jehova makapangyarihan;+An boses ni Jehova may kamurawayan.
5 An boses ni Jehova binabarari an mga puon nin sedro;Iyo, binabaraak ni Jehova an mga sedro sa Lebanon.+
6 Pinapalukso-lukso niya nin siring sa sarong ugbon na baka an Lebanon,*Asin pinapalukso-lukso niya nin siring sa sarong layas na torilyong baka an Sirion.+
7 An boses ni Jehova minatama na may mga laad nin kalayo;+
8 An boses ni Jehova pinapatakig an kaawagan;+
Pinapatakig ni Jehova an kaawagan nin Kades.+
9 An boses ni Jehova pinapatakig an usa saka pinapaugbon iyanAsin kinakalbo kaiyan an mga kadlagan.+
Asin an gabos na nasa templo niya nagsasarabi: “Kamurawayan!”
10 Si Jehova nakatukaw sa trono sa ibabaw nin nagbabahang katubigan;*+Si Jehova nakatukaw sa trono bilang Hadi sagkod lamang.+
11 Tatawan ni Jehova nin kusog an saiyang banwaan.+
Bebendisyunan ni Jehova nin katuninungan an saiyang banwaan.+
Mga Nota
^ O “Magsamba.”
^ O posibleng “huli sa kahanga-hangang kagayunan kan saiyang kabanalan.”
^ Minalataw na nanunungod ini sa kabukidan nin Lebanon.
^ O “nin langitnon na kadagatan.”
