Salmo 34:1-22
Salmo ni David, kan siya nagsagin mayo sa tultol na isip+ sa atubangan ni Abimelec, na nagpalayas sa saiya, kaya naghali siya.
א Aleph]
34 Uumawon ko si Jehova sa gabos na panahon;An pag-umaw sa saiya pirming nasa mga ngabil ko.
ב Beth]
2 Ipaghahambog ko* si Jehova;+An mga mahuyo magdadangog asin mag-uugma.
ג Gimel]
3 Ibanan nindo akong ibantog an kadakulaan ni Jehova;+Iriba tang pamurawayon an pangaran niya.
ד Daleth]
4 Naghapot ako ki Jehova, asin sinimbag niya ako.+
Ilinigtas niya ako sa gabos na kinakatakutan ko.+
ה He]
5 Nagkinang an mga naghiling sa saiya;Dai maipapasupog an lalawgon ninda.
ז Zayin]
6 Nag-apod an hamak na ini, asin nagdangog si Jehova.
Ilinigtas Niya siya sa gabos na kasakitan niya.+
ח Heth]
7 An anghel ni Jehova nagkakampo sa palibot kan mga may pagkatakot sa Saiya,+Asin iliniligtas niya sinda.+
ט Teth]
8 Namitan nindo asin hilingon na marahay si Jehova;+Maugma an tawong nagpapaili sa saiya.
י Yod]
9 Magkaigwa nin pagkatakot ki Jehova, kamo gabos na saiyang mga banal,Huling an mga may pagkatakot sa saiya dai nagkukulang nin ano man.+
כ Kaph]
10 Dawa an makusog na mga durudakula nang leon* natitikapo man minsan asin nagugutom,Alagad an mga naghahanap ki Jehova dai magkukulang nin ano man na bagay na marahay.+
ל Lamed]
11 Madya, mga aki ko, magdangog kamo sa sakuya;Itutukdo ko sa saindo an pagkaigwa nin pagkatakot ki Jehova.+
מ Mem]
12 Siisay sa saindo an nagmamawot nin maugmang buhayAsin gustong magkaigwa nin dakul na maugmang aldaw?+
נ Nun]
13 Kun siring, bantayan mo an saimong dila na dai magsabi nin maraot,+An saimong mga ngabil na dai magtaram nin pandadaya.+
ס Samekh]
14 Talikdan an maraot asin gumibo nin marahay;+Makipagkatuninungan asin pagmaigutan na mapagdanay iyan.+
ע Ayin]
15 Nakahiling sa mga matanos an mga mata ni Jehova,+Asin nagdadangog sa paghagad ninda nin tabang an saiyang mga talinga.+
פ Pe]
16 Alagad kontra sa mga naggigibo nin maraot an lalawgon ni Jehova,Tanganing an gabos na bagay na manungod sa sainda dai na magirumduman pa sa daga.+
צ Tsade]
17 Nag-agrangay an mga matanos, asin dinangog sinda ni Jehova;+Ilinigtas niya sinda sa gabos na kasakitan ninda.+
ק Qoph]
18 Harani si Jehova sa mga nalugadan an puso;+Iliniligtas niya an mga may runot na espiritu.*+
ר Resh]
19 Dakul an kasakitan* kan saro na matanos,+Pero iliniligtas siya ni Jehova sa gabos na iyan.+
ש Shin]
20 Iniingatan niya an gabos niyang tulang;Mayo nin nabari maski saro sa mga iyan.+
ת Taw]
21 An saro na maraot gagadanon nin kapahamakan;An mga nauungis sa saro na matanos huhusgaran na may sála.
22 Tinutubos ni Jehova an buhay* kan mga lingkod niya;Mayo sa mga nagpapaili sa saiya an huhusgaran na may sála.+
Mga Nota
^ O “kan kalag ko.”
^ O “an mga durudakula nang leon na may bunday.”
^ O “mga nangluluya an buot.”
^ O “kapahamakan.”
^ O “kalag.”
