Salmo 61:1-8
-
An Diyos, sarong masarig na tore laban sa mga kalaban
-
“Magigin bisita ako sa tolda mo” (4)
-
Para sa direktor nin musika; kakantahon kasabay nin mga instrumentong de-kuwerdas. Salmo ni David.
61 Dangugon mo, O Diyos, an paghagad ko nin tabang.
Tawan mong atensiyon an pamibi ko.+
2 Hali sa mga puro kan daga maagrangay ako sa saimoPag nawawaran nin paglaom* an sakuyang puso.+
Giyahan mo ako pasiring sa ibabaw nin gapo na mas halangkaw sa sako.+
3 Huli ta ika an sakuyang pailihan,Sarong masarig na tore na nagpoprotektar sa sako tumang sa kalaban.+
4 Magigin bisita ako sa tolda mo sagkod lamang;+Mapaili ako sa sirong kan saimong mga pakpak.+ (Selah)
5 Huli ta nadangog mo, O Diyos, an mga promesa ko.
Tinawan mo ako nin mana na itinatao mo sa mga may pagkatakot sa pangaran mo.+
6 Dadagdagan mo nin mga aldaw an buhay* kan hadi,+Asin an saiyang mga taon masagkod sa gabos na henerasyon.
7 Matukaw siya sa trono* sa atubangan nin Diyos sagkod lamang;+Tawan mo siya* nin maimbod na pagkamuot asin kaimbudan, tanganing maprotektaran siya kan mga iyan.+
8 Dangan makanta ako nin mga pag-umaw* sa saimong pangaran sagkod lamang+Mantang inuutob ko an sakuyang mga promesa aroaldaw.+
Mga Nota
^ O “Pag nangluluya.”
^ Sa literal, “an mga aldaw.”
^ O “Maistar siya.”
^ O “Mag-asignar ka sa saiya.”
^ O “magibo ako nin musika para.”
