Salmo 72:1-20
Manungod ki Solomon.
72 O Diyos, itao mo sa hadi an saimong mga ipinapautob na desisyon,Asin itukdo mo sa aki kan hadi an saimong katanusan.+
2 Lugod na idepensa niya nin may katanusan an ipinapakipaglaban kan saimong banwaan,Asin nin may hustisya an ipinapakipaglaban kan saimong mga lingkod na nasa hamak na kamugtakan.+
3 Lugod na an mga bukid magdara nin katuninungan sa banwaan,Asin lugod na an mga bulod magdara nin katanusan.
4 Lugod na idepensa* niya an mga hamak sa banwaan,Lugod na iligtas niya an mga aki kan dukha,Asin lugod na runuton niya an paradaya.+
5 Magkakaigwa sinda nin pagkatakot sa saimo sagkod na nag-eeksister an aldawAsin sagkod na nagdadanay an bulan,Sagkod sa gabos na henerasyon.+
6 Magigin siyang siring sa uran na minabagsak sa ibabaw kan mga duot* na tinabasan,Siring sa abundang uran na minabaribi sa daga.+
7 Sa saiyang mga aldaw, an matanos magigin marambong,*+Asin an katuninungan magigin abunda+ sagkod na an bulan mawara na.
8 Magkakaigwa siya nin mga sakop* puon sa sarong dagat sagkod sa saro pang dagatAsin puon sa Salog* sagkod sa mga puro kan daga.+
9 An mga nag-iistar sa disyerto maduruko sa atubangan niya,Asin an mga kalaban niya madirila sa alpog.+
10 An mga hadi kan Tarsis asin kan mga isla matao nin tributo.*+
An mga hadi kan Sheba asin kan Seba matao nin mga regalo.+
11 An gabos na hadi maduruko sa atubangan niya,Asin an gabos na nasyon maglilingkod sa saiya.
12 Huli ta ililigtas niya an dukha na naghahagad nin tabang,Siring man an hamak asin an siisay man na mayo nin paratabang.
13 Mahihirak siya sa hamak asin sa dukha,Asin an buhay* kan mga dukha ililigtas niya.
14 Sa pang-aapi asin sa kadahasan ililigtas niya sinda,*Asin an dugo ninda magigin mahalagang marhay sa paghiling niya.
15 Lugod na mabuhay siya nin halawig asin lugod na itao sa saiya an bulawan kan Sheba.+
Lugod na pirming may magpamibi para sa saiya,Asin lugod na bilog na aldaw na arangon na bendisyunan siya.
16 Magkakaigwa nin abundang tipasi sa ibabaw kan daga;+Masurobra iyan sa alituktok kan kabukidan.
Magigin dakul an saiyang bunga nin siring kan sa Lebanon,+Asin mamumurak an mga tawo sa mga siyudad nin siring sa mga pananom sa daga.+
17 Lugod na magdanay an saiyang pangaran sagkod lamang,+Asin lugod na magin bantog iyan sagkod na nag-eeksister an aldaw.
Lugod na magkamit* nin bendisyon an banwaan paagi sa saiya;+Lugod na ipahayag siya na maugma kan gabos na nasyon.
18 Pag-umawon lugod an Diyos na Jehova, an Diyos kan Israel,+Na iyo sana an naggigibo nin makangangalas na mga bagay.+
19 Pag-umawon lugod an saiyang mamuraway na pangaran sagkod lamang,+Asin lugod na mapano an bilog na daga kan saiyang kamurawayan.+
Amen asin Amen.
20 Digdi natatapos an pamibi ni David na aki ni Jesse.+
Mga Nota
^ Sa literal, “hukuman.”
^ O “awot.”
^ Sa literal, “masurupang.”
^ O “Mamamahala siya.”
^ An buot sabihon, an Eufrates.
^ O “kalag.”
^ O “tutubuson niya an kalag ninda.”
^ O “makakua”
