Salmo 78:1-72
-
Pangangataman nin Diyos asin kawaran nin pagtubod kan Israel
Sarong maskil.* Salmo ni Asaf.+
78 Danguga nindo, banwaan ko, an sakong katugunan;*Ikiling nindo an saindong talinga sa mga sinasabi kan sakong nguso.
2 Bubukahon ko an sakong nguso para magtaram nin sarong kasabihan.
Maatubang ako nin suanoy na mga paukod.*+
3 An mga bagay na nadangog asin naaraman ta,Na isinaysay sa sato kan satuyang mga ama,+
4 Dai niyato itatago sa mga gikan ninda;Isasaysay man niyato sa masunod na henerasyon+An mga kaumaw-umaw na ginigibo ni Jehova asin an kusog niya,+An makangangalas na mga bagay na ginibo niya.+
5 Nagtao siya nin pagirumdom sa JacobAsin nagbugtak siya nin katugunan sa Israel;Ipinagbuot niya sa satong mga apuonNa ipaaram an mga bagay na ini sa mga aki ninda,+
6 Tanganing an sunod na henerasyon,An mga aking mamumundag, makaaram kaiyan.+
Asin maisaysay man ninda iyan sa mga aki ninda.+
7 Dangan huli kaini, mananarig sinda sa Diyos.
Dai ninda lilingawan an mga ginibo nin Diyos+Kundi saindang uutubon an saiyang mga tugon.+
8 Dangan dai sinda magigin arog kan saindang mga apuon,Sarong matagas an payo asin rebelyosong henerasyon,+Sarong henerasyon na paburubago* an puso+Asin na bakong maimbod sa Diyos an espiritu.
9 Armado nin mga pana an mga Efraimita,Pero sa aldaw nin ralaban uminatras sinda.
10 An tipan nin Diyos dai ninda inutob,+Asin an katugunan niya dai ninda sinunod.+
11 Nalingawan man ninda an ginibo niya,+An saiyang makangangalas na mga ginibo na ipinahiling niya sa sainda.+
12 Naggibo siya nin pambihirang mga bagay na nahiling kan saindang mga apuon,+Sa daga nin Ehipto, sa rehiyon nin Zoan.+
13 Binanga niya an dagat tanganing makabalyo sinda,Asin pinatindog niya an tubig nin siring sa sarong dam.*+
14 Giniyahan niya sinda paagi sa panganuron pag aldawAsin paagi sa liwanag nin kalayo sa bilog na banggi.+
15 Binaak niya an mga gapo sa kaawagan,Pinainom niya sinda nin husto na garo baga nag-iinom sinda sa hararom na katubigan.+
16 Nagpabulos siya nin tubig hali sa sarong dakulang gapoAsin pinasulog niya an tubig nin siring sa mga salog.+
17 Alagad padagos sindang nagkasala sa saiyaPaagi sa pagrebelde sa Kahuruhalangkawi kan nasa disyerto sinda;+
18 Sa saindang puso, inangat* ninda an Diyos+Paagi sa paghagad nin kakanon na saindang minamawot.*
19 Kaya nagtaram sinda laban sa Diyos,Na nagsasarabi: “Kaya daw nin Diyos na magpuwesto nin kakanon sa lamesa digdi sa kaawagan?”+
20 Hilinga! An gapo pinukpok niyaAsin an tubig nagbulwak saka nagbaha.+
“Kaya man daw niyang tawan kita nin tinapay,O kaya daw niyang tawan nin karne an saiyang banwaan?”+
21 Kan madangog sinda ni Jehova, naanggot na marhay siya;+Nag-arab-adab an kalayo+ laban sa Jacob,Asin nagkaraba an kaanggutan niya laban sa Israel+
22 Huli ta dai sinda nagtubod sa Diyos;+Dai sinda nagtiwala sa kakayahan niyang iligtas sinda.
23 Kaya pinagbutan niya an mapanganuron na kalangitan sa itaas,Asin binuksan niya an mga pinto kan langit.
24 Padagos siyang nagpauran nin manna tanganing kakanon ninda;Itinao niya sa sainda an mga tipasi kan langit.+
25 Kinakan kan mga tawo an tinapay kan mga makapangyarihan;*+Igo an saiyang itinao tanganing sinda mapaniguan.+
26 Pinukaw niya sa kalangitan an duros hali sa siranganAsin pinahuyop an duros hali sa timog paagi kan saiyang kapangyarihan.+
27 Asin pinauranan niya sinda nin karne na kasingdakul nin alpog,Nin mga gamgam na kasingdakul nin mga baybay sa gilid kan dagat.
28 Pinatugpa niya an mga iyan sa tahaw kan kampo niya,Sa enterong palibot kan saiyang mga tolda.
29 Asin nagkarakan saka nagpakagutid sinda;Itinao niya sa sainda kun ano an gusto ninda.+
30 Alagad bago pa sinda lubos na mapaniguan sa minamawot ninda,Mantang an kakanon nasa saindang nguso pa,
31 Nagkaraba an grabeng kaanggutan nin Diyos laban sa sainda.+
Ginaradan niya an pinakamakukusog nindang mga lalaki;+Pinabaragsak niya an mga hoben na lalaki kan Israel.
32 Sa ibong kaini, lalo pa sindang nagkasala+Asin dai sinda nagtubod sa makangangalas na mga ginibo niya.+
33 Kaya tinapos niya an mga aldaw ninda na siring sa sarong hinangos sana,+Asin tinapos an mga taon ninda paagi sa biglang pagpaabot nin grabeng takot.
34 Alagad sa kada pagkakataon na ginagadan na niya sinda, hinahanap ninda siya;+Minabaralik sinda asin hinahanap an Diyos,
35 Na nagigirumduman na an Diyos iyo an saindang Gapo+Asin na an Kahuruhalangkawing Diyos iyo an saindang Paratubos.*+
36 Alagad pigpurbaran nindang lokohon siya paagi kan nguso nindaAsin nagputik sa saiya paagi kan saindang dila.
37 An saindang puso bakong marigon sa saiya;+Asin bako sindang maimbod sa tipan niya.+
38 Alagad mahihirakon siya;+Pinapatawad* niya an saindang pagkakasala asin dai niya sinda linalaglag.+
Parati niyang pinupugulan an saiyang pagkaanggot+Imbes na pukawon an bilog niyang grabeng kaanggutan.
39 Huli ta ginigirumdom niya na sinda laman sana,+Sarong duros na minaagi* asin dai na minabalik pa.
40 Purupirmi sindang nagrerebelde sa saiya sa kaawagan+Asin pinapakulog an buot niya kan nasa disyerto sinda!+
41 Pauruutro nindang pinupurbaran an Diyos,+Asin pinamundo ninda an* Banal na Diyos* kan Israel.
42 Dai ninda ginirumdom an saiyang kapangyarihan,*An aldaw na ilinigtas* niya sinda sa kalaban,+
43 Kun paano niya ipinahiling an saiyang mga tanda sa Ehipto+Asin an saiyang mga milagro sa rehiyon nin Zoan,
44 Asin kun paano niya ginibong dugo an mga kanal kan Nilo+Tanganing dai sinda makainom sa saindang mga sapa.
45 Nagpadara siya nin kadakul na nangangagat na langaw tanganing pasakitan* sinda+Asin nin mga talapang tanganing mandestroso sa sainda.+
46 An mga pananom ninda itinao niya sa daing kabasugan na mga duron;An bunga kan pagpapagal ninda itinao niya sa mahibog na panganuron nin mga duron.+
47 Ginaradan niya an mga puon nin ubas ninda paagi sa pagpauran nin yelo*+Asin an mga puon nin sikomoro ninda paagi sa pagpabagsak nin mga yelo.
48 Ginaradan niya an mga hayop na pantrabaho ninda paagi sa pagpauran nin yelo+Asin an mga ataman na hayop ninda paagi sa mga kikilat.*
49 Ipinanamit niya sa sainda an saiyang naglalaad na kaanggutan,Kabangisan asin pagkaungis patin kasakitan;Nagsugo man siya nin mga hukbo nin mga anghel na nagpapaabot nin kapahamakan.
50 Lininig niya an dalan para sa saiyang kaanggutan.
Dai niya sinda pinaligtas* sa kagadanan;Asin ginaradan niya sinda paagi* sa epidemya.
51 Kan huri, ginadan niya an gabos na panganay kan Ehipto,+An kapinunan kan saindang kakayahan na magkaaki sa mga tolda ni Ham.
52 Dangan ilinuwas niyang siring sa sarong aripumpon an saiyang banwaan+Asin giniyahan sinda siring sa sarong grupo nin mga hayop sa kaawagan.
53 Matiwasay niya sindang giniyahan,Asin mayo sindang takot na namatian;+Tinahuban kan dagat an saindang mga kalaban.+
54 Asin dinara niya sinda sa saiyang banal na teritoryo,+Sa mabukid na rehiyon na ini na kinua kan saiyang tuong kamot.+
55 Pinalayas niya an mga nasyon sa atubangan ninda;+Pigtawan niya sinda nin mana paagi sa pansukol na lubid;+Pinaistar niya an mga tribo nin Israel sa mga harong ninda.+
56 Alagad padagos nindang inangat* an Diyos na Kahuruhalangkawi, asin padagos na nagrebelde sa saiya;+Dai sinda nagtaong atensiyon sa mga pagirumdom niya.+
57 Ruminayo man sinda asin nagin mga traydor arog kan mga apuon ninda.+
Bako sindang masasarigan siring sa sarong turos* na pana.+
58 Padagos ninda siyang pinaanggot paagi kan saindang mga halangkaw na lugar,+Asin pinukaw ninda an saiyang kabangisan* paagi kan saindang mga inukit na imahen.+
59 Nadangog ini nin Diyos asin naanggot siyang marhay,+Kaya lubos niyang isinikwal an Israel.
60 Kan huri, binayaan niya an tabernakulo kan Shilo,+An tolda na inirukan niya sa tahaw nin mga tawo.+
61 Itinugot niyang maagaw an simbolo kan kusog niya;Itinugot niyang mapasakamot kan kalaban an kahanga-hangang kagayunan niya.+
62 Itinao niya sa espada an banwaan niya+Asin naanggot siyang marhay sa saiyang mana.
63 Tinumtom nin kalayo an saiyang mga hoben na lalaki,Asin an saiyang mga daraga dai kinantahan nin mga pangkasal na kanta.*
64 An saiyang mga saserdote nagkagaradan sa espada,+Asin an mga balo ninda dai nagtarangis.+
65 Dangan nagmata si Jehova na garo hali sa pagturog,+Siring sa makusog na lalaki+ na nahingawan* sa arak.
66 Asin pinaatras niya an saiyang mga kalaban;+Ibinugtak niya sinda sa nagdadanay na kasusupgan.
67 Isinikwal niya an tolda ni Jose;Dai niya pinili an tribo ni Efraim.
68 Alagad pinili niya an tribo ni Juda,+An Bukid nin Sion, na namumutan niya.+
69 Ginibo niyang nagdadanay an saiyang santuwaryo nin siring sa kalangitan,*+Siring sa daga na inestablisar niyang magdanay sagkod lamang.+
70 Pinili niya an lingkod niyang si David,+Asin kinua niya siya hali sa mga turil nin karnero,+
71 Hali sa pag-aataman nin mga babaying karnero na nagpapasuso;Ginibo niya siyang pastor kan Jacob na banwaan niya,+Asin kan Israel na saiyang mana.+
72 Pinasturan niya sinda nin may integridad nin puso,+Asin giniyahan sinda paagi kan saiyang may kakayahan na mga kamot.+
Mga Nota
^ O “instruksiyon.”
^ O “patuod; patuom.”
^ Sa literal, “bakong andam.”
^ O “pader.”
^ Sa literal, “pinurbaran.”
^ O “kakanon para sa saindang kalag.”
^ O “mga anghel.”
^ O “Parabalos.”
^ Sa literal, “Tinatahuban.”
^ O posibleng “Na an espiritu minahali.”
^ O “pinakulog ninda an buot kan.”
^ O “Saro na Banal.”
^ Sa literal, “kamot.”
^ Sa literal, “tinubos.”
^ O “sibaon.”
^ O “graniso.”
^ O posibleng “sa halangkaw na kalintura.”
^ O “Dai niya pinaligtas an saindang kalag.”
^ Sa literal, “Asin itinao niya an buhay ninda.”
^ Sa literal, “pinurbaran.”
^ O “haluwag.”
^ O “pag-imon.”
^ Sa literal, “Asin dai inumaw an mga birhen niya.”
^ O “naubatan.”
^ Sa literal, “Itinugdok niya an saiyang santuwaryo nin siring sa mga kaitaasan.”
