Salmo 93:1-5
93 Si Jehova nagin Hadi!+
Nagugubingan siya nin kamurawayan;Nagugubingan si Jehova nin kusog;Sulot niya iyan nin siring sa paha.
Matibay an pagkaestablisar sa daga;*Dai iyan mahihiro.*
2 Haloy nang naestablisar nin marigon an saimong trono;+Puon pa kaidtong panahon na daing sagkod nag-eeksister ka na.+
3 Ruminagasa an mga salog, O Jehova,Ruminagasa an mga salog asin naghagubuhob;
Padagos na nagraragasa an mga salog asin nagraragubrob.
4 Alagad, mas makusog pa kisa sa hagubuhob nin dakul na katubigan,Mas mapuwersa pa kisa sa minasalpok na mga alon kan kadagatan,+Ika, O Jehova, na mamuraway sa kaitaasan.+
5 Mapagtitiwalaan na marhay an saimong mga pagirumdom.+
Nasasamnuhan nin kabanalan an* harong mo,+ O Jehova, sa gabos na panahon.
