Mantang nakabilanggo si Pablo asin Silas, inumaw ninda an Diyos paagi sa mga awit. (Gi 16:25) Kan panahon nin Nazi sa Alemania, an mga tugang niyato na nasa kampo de-konsentrasyon sa Sachsenhausen asin an mga dinara sa Siberia nagkanta man nin mga awit na pang-Kahadian. Ipinapahiling kan mga halimbawang ini na an mga awit nakakapakusog sa mga Kristiyanong nag-aagi nin mga pagbalo.

Dai mahahaloy, magkakaigwa na sa dakul na lengguwahe kan bagong songbook na “Sing Out Joyfully” to Jehovah. Pag igwa na kita nin kopya, puwede tang tuumon an mga liriko paagi sa pagpraktis kaiyan sa panahon nin pampamilyang pagsamba. (Efe 5:19) Tanganing pag may nag-abot na pagbalo, tatabangan kita kan banal na espiritu na magirumduman iyan. An mga awit na pang-Kahadian makakatabang sa sato na magpokus sa satong paglaom. Makakapakusog iyan sa sato kun kita nag-aagi nin mga pagbalo. Asin dawa marahay an sitwasyon ta, an nakakapakusog na mga liriko mapahiro sa sato na umawit nin may kaugmahan huling an satong puso naggagaya-gaya. (1Cr 15:16; Sal 33:1-3) Kaya, gamiton ta sa pagkanta an satong mga awit na pang-Kahadian!

HILINGON AN VIDEO NA SARONG AWIT NA NAGPAKUSOG SA MGA TRABAHADORS, DANGAN SIMBAGON AN MINASUNOD NA MGA HAPOT:

• Taano ta nakagibo si Brother Frost nin sarong awit?

• Paano napakusog kan awit an mga tugang na nasa kampo de-konsentrasyon sa Sachsenhausen?

• Sa anong mga sitwasyon sa aroaldaw puwede kang mapakusog kan mga awit na pang-Kahadian?

• Arin sa mga awit na pang-Kahadian an gusto mong tuumon?