3:1-5

Taano ta namundong marhay si Jesus sa kaisipan kan Judiong mga lider nin relihiyon? Huling ginibo nindang nakakapagabat an aldaw nin Sabbath paagi sa pagdagdag nin kadakul-dakul na restriksiyon na bako man talagang mahalaga. Halimbawa, bawal an paggadan nin purgas. Itinutugot sana an pagbulong kun nasa peligro an buhay nin saro. Nangangahulugan ini na an mga nabarian o nalapuan dai puwedeng bulungon sa aldaw nin Sabbath. Malinaw nanggad, an mga lider nin relihiyon mayo nin tunay na pagmalasakit sa lalaking paralisado an kamot.