An pagigin andam ni Isaias na maglingkod maninigo nanggad na arugon. Nagpahiling siya nin pagtubod asin tulos na nagboluntaryo dawa dai niya aram an gabos na detalye. (Isa 6:8) Puwede ka daw gumibo nin pagliliwat para makapaglingkod kun sain mas nangangaipo nin mga parabalangibog kan Kahadian? (Sal 110:3) Siyempre, kaipuhan ‘kuwentahon an gastos’ sa paggibo kaiyan. (Lu 14:27, 28, NW) Pero dapat na magin andam kita na magsakripisyo para sa gibuhon na paghuhulit. (Mat 8:20; Mar 10:28-30) Arog kan ipinahiling sa video na Pagbalyo Kun Sain Mas Dakula an Pangangaipo, mayo lamang an ano man na sakripisyong gigibuhon ta sa mga bendisyon na makakamtan ta sa paglilingkod ki Jehova.

• Anong mga sakripisyo an ginibo kan kada miyembro kan pamilyang Williams tanganing makapaglingkod sa Ecuador?

• Ano an mga kinonsiderar ninda sa pagpili kun sain malingkod?

• Anong mga bendisyon an nakamtan ninda?

• Sain ka makakakua nin dagdag na impormasyon dapit sa paglilingkod kun sain mas dakula an pangangaipo?

• Paano mi mapapahiwas an samong ministeryo bilang pamilya? (km 8/11 4-6)

• Kun dai kami makakapaglingkod kun sain mas dakula an pangangaipo, sa anong mga paagi kami makakatabang sa samong kongregasyon? (w16.03 23-25)