Sa dakul na pagkakataon sa bilog na kasaysayan, tinabangan kan sekular na mga awtoridad an mga lingkod ni Jehova. (Esd 6:1-12; Est 8:10-13) Dawa sa presenteng panahon, nahiling ta “an daga”—an mga elemento kan sistemang ini na mas makatanusan—na hinalon “an salog” nin persekusyon na ibinuga “kan dragon,” si Satanas na Diyablo. (Kap 12:16) Tibaad kun minsan pahiruon ni Jehova, na “Diyos na nagtatao . . . nin kaligtasan,” an mga tawong tagapamahala para tabangan an saiyang mga lingkod.—Sal 68:20, NW; Tal 21:1.

Pero paano kun iprineso ka huli sa saimong pagtubod? Nungkang magduda kun baga binabantayan ka ni Jehova. (Ge 39:21-23; Sal 105:17-20) Makakasiyerto ka na babalusan an saimong pagtubod asin na an saimong integridad nakakapakusog sa mga tugang sa bilog na kinaban.—Flp 1:12-14; Kap 2:10.

HILINGON AN VIDEO NA MGA BROTHER SA KOREA PINALUWAS SA PRESUHAN, DANGAN SIMBAGON AN MINASUNOD NA MGA HAPOT:

• Taano ta iprineso an rinibo niyatong mga tugang sa South Korea sa nakalihis na mga taon?

• Anong desisyon kan korte an nagpangyari na amay na makaluwas an pira sa satong mga tugang?

• Paano niyato matatabangan an satong mga tugang sa bilog na kinaban na nakapreso ngunyan huli sa saindang pagtubod?

• Paano niyato dapat gamiton an ano man na katalingkasan na igwa kita ngunyan?

• Siisay talaga an nagpapangyari sa ano man na kapangganahan niyato sa korte?