An Kristiyanong mga pagtiripon mahalagang marhay na kabtang kan dalisay na pagsamba. (Sal 22:22) An gabos na nagtitiripon para sambahon si Jehova nakakamati nin kaugmahan asin nag-aako nin mga bendisyon. (Sal 65:4) Sa parati, mas marikas na nag-uuswag an mga tinutukduan sa Bibliya pag regular sindang nag-aatender sa mga pagtiripon.

Paano mo matatabangan an saimong mga tinutukduan sa Bibliya na mag-atender sa mga pagtiripon? Padagos sindang imbitaran na mag-atender. Ipahiling sainda an video na Paano Ginigibo an Pagtiripon sa Kingdom Hall? Ipaliwanag saiya an mga pakinabang kan mga pagtiripon. (lff leksiyon 10) Puwede mong iistorya saiya an sarong espesipikong punto na nanudan mo sa sarong pagtiripon o sabihon saiya kun ano an mga pag-uulayan sa masunod na pagtiripon. Tawan an saimong mga tinutukduan kan gagamiton na mga publikasyon. Mag-alok man nin praktikal na tabang. Tibaad kaipuhan ninda nin malulunadan. Magigin sulit nanggad an ano man na paghihinguwa mo pag nag-atender an saimong tinutukduan sa inot na pagkakataon.—1Co 14:24, 25.

HILINGON AN VIDEO DRAMATIZATION NA TABANGAN AN SAIMONG MGA TINUTUKDUAN SA BIBLIYA NA MAG-ATENDER SA MGA PAGTIRIPON, DANGAN SIMBAGON AN MINASUNOD NA MGA HAPOT:

• Anong pagkakataon an ginamit ni Neeta para imbitaran si Jade na mag-atender sa pagtiripon kan kongregasyon?

• Taano ta nauugma kita pag nag-aatender sa mga pagtiripon an sarong tinutukduan sa Bibliya?

• Ano an naeksperyensiyahan ni Jade sa inot na beses niyang pag-atender sa pagtiripon?