Kayang baguhon kan Tataramon nin Diyos an satuyang buhay. (Heb 4:12) Pero, tanganing makinabang sa paggiya, instruksiyon, asin sadol kaiyan, kaipuhan na kumbinsido kita na iyo nanggad iyan an “tataramon nin Diyos.” (1Te 2:13) Paano ta mapapakusog an satong pagtubod sa Bibliya?

Magbasa nin Bibliya aroaldaw. Mantang nagbabasa, maghanap nin mga patunay na si Jehova an Awtor kaiyan. Halimbawa, mangnuhon an mga sadol na mababasa sa libro nin Talinhaga asin pag-isipan an dai nalulumang kadunungan na mahihiling diyan.—Tal 13:20; 14:30.

Maggibo nin proyekto sa pag-adal. Magin pamilyar sa mga ebidensiya na nagpapatunay na ipinasabong an Bibliya. Sa Giya sa Pag-research Para sa Mga Saksi ni Jehova, hilingon sa irarom kan temang “An Bibliya” an subtemang “Ipinasabong nin Diyos.” Mapapakusog mo man an saimong pagtubod na dai nabago an mensahe kan Bibliya paagi sa pag-adal sa mga impormasyon na yaon sa Apendise A3 kan Bagong Kinaban na Traduksiyon.

HILINGON AN VIDEO NA KUN TAANO TA MAY PAGTUBOD KITA SA . . . TATARAMON NIN DIYOS, DANGAN SIMBAGON AN MINASUNOD NA MGA HAPOT:

• Paano an pagkadiskubre sa sarong lanob nin templo sa Karnak, Egypt, nagkukumpirmar sa pagkamasasarigan kan Tataramon nin Diyos?

  An saimong simbag

• Taano ta masasabi niyato na dai nabago an mensahe kan Bibliya?

  An saimong simbag

• Dahil an Bibliya naingatan sagkod sa panahon niyato ngunyan, paano iyan nakakumbinsir sa saimo na iyan an Tataramon nin Diyos?—Basahon an Isaias 40:8

  An saimong simbag