Taano ta dapat na mag-andam? An mga medikal na emerhensiya saka pagkaospital puwedeng mangyari nin biglaan asin dai inaasahan. Kaya, bago pa mangyari an sarong emerhensiya, lubos na aprobetsaran an mga probisyon na makakatabang saimo na makaako nin pinakamarahay na pagbulong na posible kun mangyari iyan. Sa paggibo kaiyan, naipapahiling mo an paggalang sa buhay asin sa pagbuot ni Jehova manungod sa dugo.—Gi 15:28, 29.

Ano an puwede mong gibuhon para magin andam?

• Mamibi dangan maingat na i-fill out an durable power of attorney (DPA) card. a An bawtisadong mga parahayag puwedeng maghagad sa literature servant nin DPA card para sa sainda saka nin Identity Card (ic) para sa saindang menor de edad na mga aki

• Kun bados ka, maghagad sa mga elder nindo nin kopya kan Impormasyon Para sa mga Bados (S-401). Matatabangan ka kan dokumentong ini na makagibo nin marahay na mga desisyon manungod sa medikal na mga isyu na puwedeng maglataw sa pagbabados asin pangangaki mo

• Kun kaipuhan mong mag-agi nin medikal na prosedimiyento na may kalabot na isyu sa dugo o kun kaipuhan mong maospital, patiinot na paaramon an mga elder nindo asin sabihan an ospital na maako kamo nin bisita hali sa sarong ministro kan Mga Saksi ni Jehova

Paano makakatabang an mga elder? Puwede ka nindang tabangan sa pag-fill out nin DPA card. Pero, dai magibo an mga elder nin medikal na mga desisyon para sa saimo o masabi kan saindang personal na opinyon sa mga bagay na ika dapat an magdesisyon. (Ro 14:12; Ga 6:5) Pag sinabi mo sa mga elder nindo na napapaatubang ka sa medikal na sitwasyon na tibaad magkaigwa nin isyu sa dugo, kokontakon tulos ninda an Hospital Liaison Committee (HLC) para sa saimo.

Paano makakatabang an HLC? An mga brother sa HLC sinanay na tabangan an mga nasa medikal asin legal na propesyon na masabutan an satong relihiyosong paninindugan may koneksiyon sa dugo. Puwede nindang ipakipag-ulay sa saimong health-care provider an mga pamamaagi nin pagbulong na daing pagsalin nin dugo. Kun kinakaipuhan, puwede ka nindang tabangan na makahanap nin doktor na mauyon sa paagi nin pagbulong na gusto mo.

HILINGON AN VIDEO NA KUN PAANO MAKAKAPILI NIN PAAGI NIN PAGBULONG PAG MAY KALABOT NA DUGO, DANGAN SIMBAGON AN MINASUNOD NA HAPOT:

• Ano an nanudan mo sa videong ini na makakatabang saimo na magin andam para sa medikal na emerhensiya na may kalabot na isyu sa dugo?

  An saimong simbag