Taon-taon, hinahalat-halat kan mga lingkod ni Jehova an iriba nindang pagselebrar kan Memoryal. Sa mga semana bago asin pagkatapos kan Memoryal, inaaprobetsaran ta an magayunon na oportunidad na umawon asin pasalamatan si Jehova para sa regalong pantubos. (Efe 1:3, 7) Halimbawa, nagmamaigot kitang marhay na imbitaran an iba na mag-atender sa Memoryal. Ina-adjust kan iba an saindang iskedyul para makapag-auxiliary payunir na may pasuhan na 30 o 50 oras sa bulan nin Marso o Abril. Gusto mo daw na dagdagan an panahon na ginagamit mo sa ministeryo sa panahon nin Memoryal? Ano an makakatabang saimo na magibo iyan?

Sa parati, mas dakul an nagigibo ta pag patiinot kitang nagpaplano. (Tal 21:5) Huling harani na an panahon nin Memoryal, ngunyan na an panahon para magpuon na magplano. Pag-isipan kun paano mo mapapahiwas an saimong ministeryo sa panahon nin Memoryal asin kun ano an mga kaipuhan mong gibuhon para maabot an saimong mga pasuhan. Dangan hagadon ki Jehova na bendisyunan niya an saimong mga paghihinguwa.—1Ju 5:14, 15.

May naiisip ka daw na mga paagi para mapahiwas mo pa an saimong ministeryo sa panahon nin Memoryal?