Enero 15-21
JOB 36-37
Kanta 147 Asin Pamibi | Introduksiyon (1 min.)
1. Kun Taano ta Makakapagtiwala Ka sa Panuga nin Diyos na Buhay na Daing Katapusan
(10 min.)
Si Jehova mismo nabubuhay nin daing katapusan (Job 36:26; w15 11/1 12 ¶1-2)
Si Jehova igwa nin kadunungan asin kapangyarihan para susteniran an buhay (Job 36:27, 28; w20.05 22 ¶6)
Tinutukduan kita ni Jehova kun paano makakamtan an buhay na daing katapusan (Job 36:4, 22; Ju 17:3)
An makusog na pagtubod sa panuga nin Diyos na buhay na daing katapusan nagtatabang sa sato na makayanan an mga kadipisilan sa satong buhay.—Heb 6:19; w22.10 28 ¶16.
2. Espirituwal na Kayamanan
(10 min.)
-
Job 37:20—Sa parati, paano ipinapaabot an mga bareta saka mga impormasyon sa mga kadagaan kan panahon kan Bibliya? (it-2-TG 763)
-
Anong espirituwal na mga kayamanan sa babasahon sa Bibliya sa semanang ini an gusto mong ihiras?
3. Pagbasa sa Bibliya
(4 min.) Job 36:1-21 (th leksiyon 2)
4. Pagpuon nin Pakikipag-ulay
(3 min.) PAGPAPATOTOO SA PUBLIKO. (lmd leksiyon 3 punto 3)
5. Pagdalaw Liwat
(4 min.) PAGHARONG-HARONG. (lmd leksiyon 2 punto 5)
6. Pagpaliwanag kan Saimong Paniniwala
(5 min.) Pahayag. ijwfq-TG 57 ¶5-15—Tema: Taano ta Pinersegir an Mga Saksi ni Jehova kan Panahon kan Holocaust? (th leksiyon 18)
Kanta 49
7. Magin Andam sa mga Sitwasyon na Nangangaipo nin Medikal na Pagbulong o Operasyon
(15 min.) Pagtukar. Kabtang nin sarong elder.
An organisasyon ni Jehova nagtatao nin mga pantabang tanganing masunod niyato an pagbuot nin Diyos manungod sa dugo. (Gi 15:28, 29) Ginagamit mo daw saka inaaprobetsaran na marhay an mga iyan?
Durable Power of Attorney (DPA) Card asin Identity Card (ic): Ipinapaliwanag sa mga card na ini an mga desisyon kan pasyente manungod sa medikal na paggamit nin dugo. An mga bawtisadong parahayag puwedeng maghagad nin DPA card sa literature servant saka nin Identity Card para sa saindang menor de-edad na mga aki. An mga card na ini dapat na pirmi tang dara sa gabos na pagkakataon. Kun kaipuhan mong mag-fill out kaiyan o mag-update, gibuhon na iyan tulos.
Impormasyon Para sa mga Bados (S-401) asin Information for Patients Requiring Surgery or Chemotherapy (S-407): An mga dokumentong ini nagtatabang sa sato na magin mas andam sa medikal na pagbulong, kaiba na an mga sitwasyon na may kalabot na dugo. Maghagad sa saindong mga elder nin kopya kan angay na dokumento kun ika bados o nangangaipo nin operasyon o pagbulong sa kanser.
Hospital Liaison Committee (HLC): An mga miyembro kan HLC mga kuwalipikadong elder na sinanay na magtao nin impormasyon sa mga doktor asin mga parahayag manungod sa mga bagay na kalabot an dugo. Puwede nindang ipakipag-ulay sa saindong doktor an medikal na mga pamamaagi nin pagbulong na mayo nin pagsalin nin dugo. Kun kaipuhan, puwede ka nindang tabangan na makahanap nin doktor na mauyon sa paagi nin pagbulong na gusto mo. Available sinda 24 oras kada aldaw sa bilog na semana. Kontakon tulos an HLC sa mga sitwasyon na nangangaipo na ma-confine sa ospital, operaran, o mag-therapy—arog kan pagbulong sa kanser—dawa pa kun garo baga an sitwasyon dai man kalabot an dugo. Dapat man na gibuhon ini kun bados ka. Kun kaipuhan nin tabang, hagadon sa sarong elder an contact information kan HLC.
I-play an VIDEO na Hospital Liaison Committee—Paano Sinda Nagtatabang? Dangan ihapot:
Paano makakatabang saimo an HLC pag napaatubang ka sa sarong sitwasyon na nangangaipo nin medikal na pagbulong o operasyon?
8. Pag-adal sa Bibliya kan Kongregasyon
(30 min.) bt kap. 4 ¶9-12, kahon sa p. 38
