10:25-37

Itinao ni Jesus an parabulang ini bilang simbag sa hapot na: “Siisay man nanggad an sakuyang kapwa?” (Lu 10:25-29) Aram niya na pag-abot nin panahon, an Kristiyanong kongregasyon magigin kompuwesto nin “gabos na klase” nin tawo—kaiba na an mga Samaritano asin mga Hentil. (Ju 12:32) Itinukdo kan parabulang ini sa mga parasunod ni Jesus na dapat sindang mas maghinguwa sa pagpahiling nin pagkamuot sa iba, maski duman sa mga lain na marhay sa sainda.

HAPUTON AN SADIRI:

• ‘Ano an pagmansay ko sa mga tugang na hali sa manlain-lain na kultura?’

• ‘Mas tinatawan ko daw nin panahon idtong mga tugang na dakul an pagkakapareho sa sako?’

• ‘Puwede ko daw na buksan nin lubos an sakong puso para mas mabisto an mga kapwa ko Kristiyano na iba an pinaghalian?’ (2Co 6:13)

Siisay an puwede kong imbitaran . . .

•  na makapartner sa ministeryo?

•  na magduman sa harong para magkakan?

•  na mag-iba sa pamilya mi para sa sunod ming Pampamilyang Pagsamba?