Sinasabi sato kan Kasuratan na tratuhon ta an mga may edad nang Kristiyano na garo satong ina asin ama, asin an mga hoben na garo satong mga tugang. (Basahon an 1 Timoteo 5:1, 2.) Lalo nang kaipuhan kan mga brother na tratuhon nin may dignidad asin paggalang an mga sister.

Dai nanggad makikipag-flirt an sarong brother o magibo nin ano man na magigin dahilan na maalangan an sister saiya. (Job 31:1) Dai kakarawan nin sarong solterong brother an emosyon nin sarong daragang sister paagi sa pagpamati digdi na mailusyon siya dawa dai man.

Dapat na mabuot na konsideraron kan mga elder an mga sister na magalang na naghahapot o may sinasabi na tibaad kaipuhan tawan nin atensiyon. Lalo nang dapat na magin makonsiderasyon an mga elder sa mga sister na mayo nin agom na maprotektar sainda.—Ru 2:8, 9.

HILINGON AN VIDEO NA MAGPAHILING NIN NAGDADANAY NA PAGKAMUOT SA LAOG KAN KONGREGASYON—SA MGA BABAYING BALO ASIN SA MGA DAING AMA, DANGAN SIMBAGON AN MINASUNOD NA MGA HAPOT:

• Paano nagpahiling an kongregasyon nin pambihirang pagkamuot ki Sister Myint?

• Paano an pagkamuot na ipinahiling kan kongregasyon nagtao nin magayon na patotoo sa mga pagtaraid?

• Paano an pagkamuot na ipinahiling kan kongregasyon nakatabang sa mga aki ni Sister Myint?

Sa anong praktikal na mga paagi ka makakapahiling nin mamumuton na pagmalasakit sa mga sister sa saindong kongregasyon?