Pinag-iisipan na marhay an mga sampol na pakikipag-ulay, asin nahiling kan dakul na parahayag na epektibo an mga iyan sa saindang teritoryo. Pero, huling iba-iba an kamugtakan sa bilog na kinaban, puwedeng gamiton kan mga parahayag sa saindang ministeryo an ibang pamamaagi o ipakipag-ulay an ibang tema na magigin interesante sa mga tawo sa saindang teritoryo. Siyempre, dapat na sunudon kan gabos an ano man na instruksiyon para sa espesyal na kampanya. An pasuhan ta iyo na utubon an pagbuot ni Jesus na ihulit an maugmang bareta kan Kahadian.—Mat 24:14.

Sa paggibo kan asignasyon para sa mga estudyante, dapat na ipakipag-ulay kan mga parahayag an tema sa sampol na pakikipag-ulay na yaon sa Workbook sa Pagtiripon na Pamumuhay Asin Ministeryo. Pero, apuwera na sana kun may ibang instruksiyon, puwede sindang pumili nin ibang hapot, teksto, pag-uulayan sa masunod, o eksena na magigin epektibo sa saindang teritoryo. Pagbabago ini sa instruksiyon na yaon sa pahina 8 kan Hunyo 2020 na isyu kan workbook para sa pagtiripon.