PAMUMUHAY BILANG KRISTIYANO
Arugon an Maimbod na Pagkamuot ni Jehova
Si Jehova an pinakanangungurog na halimbawa nin maimbod na pagkamuot. (Sal 103:11) An pagkamuot na ini bako sanang temporaryong atraksiyon o pagmati na madalion sanang mawara. Kalabot sa maimbod na pagkamuot an hararom asin nagdadanay na kapadangatan. Ipinahiling ni Jehova sa dakul na paagi an kuwalidad na ini sa saiyang banwaan na Israel. Pinatalingkas niya sinda sa pagkauripon sa Ehipto asin dinara sinda sa Dagang Panuga. (Sal 105:42-44) Nakipaglaban siya alang-alang sa saiyang banwaan asin pauruutro sindang pinatawad pag nagkakasala sinda. (Sal 107:19, 20) Mantang ‘maingat niyatong iniisip-isip an mga ipinapahiling ni Jehova na maimbod na pagkamuot,’ napapahiro kita na arugon siya.—Sal 107:43.
HILINGON AN VIDEO DRAMATIZATION NA MAINGAT NA ISIP-ISIPON AN MGA IPINAPAHILING NI JEHOVA NA “MAIMBOD NA PAGKAMUOT,” DANGAN SIMBAGON AN MINASUNOD NA MGA HAPOT:
-
Sa anong mga paagi maipapahiling ta an maimbod na pagkamuot?
-
Taano ta nangangaipo nin mga pagsasakripisyo an pagpahiling nin maimbod na pagkamuot?
