PAMUMUHAY BILANG KRISTIYANO
“Pagdepensa kan Maugmang Bareta” Asin “Paghihinguwang Makua an Legal na Deretso Para Ihulit Iyan”
Kan purbaran kan mga nagkokontra na papunduhon an mga Israelita sa pagtugdok liwat kan templo, ginibo kan mga paratugdok an kinakaipuhan tanganing makua an legal na deretso na ipadagos iyan. (Esd 5:11-16) Sa kaagid na paagi, ginigibo kan mga Kristiyano ngunyan an kaipuhan tanganing idepensa an maugmang bareta asin makua an legal na deretso para ihulit iyan. (Flp 1:7) Tanganing magibo iyan, pigbilog an Legal Department sa world headquarters kan 1936. Ngunyan, inoorganisar kan World Headquarters Legal Department an pagdepensa kan intereses kan Kahadian sa bilog na kinaban. Paano nakakatabang an departamentong ini sa intereses kan Kahadian asin sa mga lingkod nin Diyos?
HILINGON AN VIDEO NA TOUR SA LEGAL DEPARTMENT SA WORLD HEADQUARTERS, DANGAN SIMBAGON AN MINASUNOD NA MGA HAPOT:
-
Anong mga problema manungod sa mga isyung legal an napaatubang sa Mga Saksi ni Jehova?
-
Ano an mga ginana ta na sa korte? Magtao nin halimbawa
-
Ano an magigibo kan lambang saro sato sa “pagdepensa kan maugmang bareta asin sa paghihinguwang makua an legal na deretso para ihulit iyan”?
-
Sain ta mahihiling sa satong website an mga bareta manungod sa legal na mga isyu na nakakaapektar sa mga lingkod nin Diyos asin an mga pangaran kan mga Saksi ni Jehova na nakapreso huli sa saindang pagtubod?
