Hulyo 29–Agosto 4
SALMO 69
Kanta 13 Asin Pamibi | Introduksiyon (1 min.)
1. Kun Paano Ihinula sa Salmo 69 an mga Pangyayari sa Buhay ni Jesus
(10 min.)
Ikinaungis si Jesus na daing dahilan (Sal 69:4; Ju 15:24, 25; w11 8/15 11 ¶17)
Nagin maigot si Jesus para sa harong ni Jehova (Sal 69:9; Ju 2:13-17; w10 12/15 8 ¶7-8)
Grabeng kulog an namatian ni Jesus asin arak na sinalakan nin apdo an ipinainom saiya (Sal 69:20, 21; Mat 27:34; Lu 22:44; Ju 19:34; g95-TG 10/22 31 ¶4; it-2-TG 444)
HUROP-HURUPON: Taano ta iiniba ni Jehova sa Hebreong Kasuratan an mga propesiya manungod sa Mesiyas?
2. Espirituwal na Kayamanan
(10 min.)
-
Sal 69:30, 31—Paano makakatabang sa sato an mga bersikulong ini para mapauswag an kalidad kan satong mga pamibi? (w99 1/15 18 ¶11)
-
Anong espirituwal na mga kayamanan sa babasahon sa Bibliya sa semanang ini an gusto mong ihiras?
3. Pagbasa sa Bibliya
(4 min.) Sal 69:1-25 (th leksiyon 2)
4. Pagigin Mapasensiya—Kun Ano an Ginibo ni Jesus
(7 min.) Pagtukar. I-play an VIDEO, dangan pag-ulayan an lmd leksiyon 8 punto 1-2.
5. Pagigin Mapasensiya—Arugon si Jesus
(8 min.) Pagtukar basado sa lmd leksiyon 8 punto 3-5 asin “Hilingon Man.”
Kanta 134
6. Lokal na mga Pangangaipo
(5 min.)
7. Mga Prinsipyo Para sa Pampamilyang Pagsamba
(10 min.) Pagtukar.
Kan Enero 2009, ginibo nang parte kan pagtiripon sa tahaw kan semana an Pag-adal sa Libro kan Kongregasyon, kaiba kan Teokratikong Paadalan sa Pagmiministro asin Pagtiripon sa Paglilingkod. Natawan kaini nin panahon kada semana an mga pamilya nin sadiri nindang programa nin pampamilyang pagsamba. Dakul an nagpahayag kan saindang pag-apresyar sa areglong ini na ginibo para matabangan sinda na magin mas harani ki Jehova asin sa lambang saro.—De 6:6, 7.
Ano an nagkapirang prinsipyo na makakatabang sa mga payo nin pamilya para magin mapanggana an saindang Pampamilyang Pagsamba?
-
Gibuhon iyan nin regular. Kun posible, magtagama nin espesipikong oras kada semana para sa pampamilyang pagsamba. Kun dai iyan nagibo sa napagkasunduan na iskedyul dahil sa dai inaasahan na pangyayari, hinguwahon na gibuhon iyan sa ibang aldaw
-
Mag-andam. Ipakipag-ulay iyan sa saimong agom, asin sa pana-panahon maghagad nin suhestiyon sa saindong mga aki. Dai man kaipuhan nin halawigon na pag-andam, lalo na kun nai-enjoy man kan pamilya nindo an paggibo kan nagkapirang pararehong aktibidad kada semana
-
Ibagay sa kada miyembro kan pamilya an gigibuhon nindo. Mantang nagdadakula an saindong mga aki, nag-iiba man an saindang mga pangangaipo asin kakayahan. Dapat na an gigibuhon nindo sa Pampamilyang Pagsamba makakatabang sa lambang miyembro kan pamilya na magtalubo sa espirituwal
-
Gibuhon iyan sa mamumuton asin relaks na paagi. Kun magayon an panahon, puwede nindong gibuhon iyan sa luwas. Mag-break nguna kun kaipuhan. Baga man magayon na pagkakataon iyan na pag-ulayan an mga kadipisilan na inaatubang kan saindong mga aki, girumdumon na bako iyan an panahon na anggutan o disiplinahon sinda
-
Magkaigwa nin lain-lain na aktibidad. Halimbawa, puwede kamong mag-andam nin sarong porsiyon kan sunod na pagtiripon, maghiling asin pag-ulayan an sarong video sa jw.org, o magpraktis kan mga sasabihon nindo sa ministeryo. Baga man pag-urulay an panginot na ginigibo sa Pampamilyang Pagsamba, puwede man iiba sa panahon na iyan an personal na pag-adal kan kada miyembro nin pamilya
Pag-ulayan an hapot na ini:
-
Ano an ginibo nindo para maiaplikar an mga prinsipyong iyan sa saindong pampamilyang pagsamba?
8. Pag-adal sa Bibliya kan Kongregasyon
(30 min.) bt kap. 13 ¶8-16, kahon sa p. 119
