Minamawot kan may takot sa Diyos na mga magurang na mahiling an mga aki ninda na magin maimbod na mga lingkod ni Jehova. Matatabangan kan mga magurang an saindang mga aki na magibo iyan kun puon sa pagkaaki itatadom na ninda sa puso kan mga ini an mga katukduan sa Bibliya. (De 6:7; Tal 22:6) Nangangaipo daw ini nin pagsasakripisyo? Iyo nanggad! Pero siguradong sulit iyan.—3Ju 4.

Dakul an manunudan kan mga magurang ki Jose asin Maria. ‘Nakaugalian na nindang magduman sa Jerusalem taon-taon para sa kapiyestahan kan Paskuwa,’ maski ngani nangangaipo ini nin paghihinguwa asin nin gastos. (Lu 2:41) Malinaw na an pinakamahalaga para ki Jose asin Maria iyo an espirituwalidad kan saindang pamilya. Siring man ngunyan, puwedeng magiyahan kan mga magurang an saindang mga aki sa tamang direksiyon kun ginagamit ninda an lambang oportunidad na tukduan sinda paagi sa tataramon asin halimbawa.—Sal 127:3-5.

HILINGON AN VIDEO NA GINAMIT NINDA AN LAMBANG OPORTUNIDAD, DANGAN SIMBAGON AN MINASUNOD NA HAPOT:

• Paano nagibo ni Jon asin Sharon Schiller na magin panginot sa sainda an intereses kan Kahadian mantang nagpapadakula nin mga aki?

• Pag nagtatao nin disiplina, taano ta dapat konsideraron kan mga magurang an pangangaipo kan kada saro sa mga aki ninda?

• Paano aandamon kan mga magurang an saindang mga aki para matagalan an mga pagbalo sa pagtubod?

• Anong mga kasangkapan na itinao kan organisasyon ni Jehova an nagamit mo na para tabangan an saimong mga aki na pakusugon an saindang relasyon ki Jehova?