Si Jesus nagtao sa sato nin halimbawa na dapat niyatong arugon, lalo na kun napapaatubang kita sa mga kasakitan o persekusyon. (1Pe 2:21-23) Maski ngani ininsulto siya, nungka siyang nagbalos, dawa kan nag-aagi siya nin kasakitan. (Mar 15:29-32) Ano an nakatabang saiya na makatagal? Determinado siya na gibuhon an kabutan ni Jehova. (Ju 6:38) Nagpokus man siya sa “kaugmahan na inaantisipar niya.”—Heb 12:2.

Ano an reaksiyon ta pag bakong marahay an pagtrato sato huli sa satong pagtubod? An tunay na mga Kristiyano ‘dai nagbabalos nin maraot sa maraot.’ (Ro 12:14, 17) Kun aarugon niyato kun paano tinagalan ni Cristo an kasakitan, puwede kitang magin maugma huling yaon sa sato an pag-uyon nin Diyos.—Mat 5:10-12; 1Pe 4:12-14.

HILINGON AN VIDEO NA AN PANGARAN NI JEHOVA AN PINAKAMAHALAGA, DANGAN SIMBAGON AN MINASUNOD NA MGA HAPOT:

• Paano madunong na ginamit ni Sister Pötzinger * an saiyang panahon kan nasa bartolina siya?

• Anong mga kasakitan an tinagalan kan mag-agom na Pötzinger mantang nasa manlain-lain na kampo de-konsentrasyon sinda?

• Ano an nakatabang sa sainda para makatagal?